Кој е грчкиот наследник на Глигор Бишев на челната позиција во Стопанска банка?

Добивај вести на Viber

Наследник во Стопанска Банка, на сегашниот директор во заминување, Глигор Бишев,  многу веројатно ќе биде Константинос Братос, човек кој веќе е дел од раководството на банката. Извори од банкарските кругови велат дека гркот Братос е фаворит во номинацијата за моќната директорска  позиција, иако е можно и некое изненадување во последен момент. Според достапните податоци за менаџментот на Стопанска Банка, Братос е преседател на Надзорниот Одбор на банката,  во кој членуваат уште седум лица. Од нив, двајца се Македонци. Доколку Братос ја преземе директорската позиција тој би застанал на чело и на Управниот Одбор на Стопанска Банка. Сегашен преседател на У.О, кој брои четири членови,  е Глигор Бишев. Тој има  тројца заменици-директори. Едниот е Тони Стојановски, Генерален директор за ризици. Другите двајца заменици доаѓаат од Грција. Едниот е Диомидис Николетопулус, кој во исто време е Генерален директор за банкрство и вториот е Теодолус Скордис, Генерален директор за корпоративно управување. Со евентуалното именување на странец за прв извршен директор на Стопанска Банка, а без при тоа да има промени на сегашните имиња во Управниот Одбор, менаџментот на банката ќе го сочинуваат тројца грчки директори и еден македонски директор. Сепак, опциите за прв човек се уште остануваат отворени. За новиот директор ќе треба да даде согласност и централната банка. Во меѓуреме, од Грац стаса и официјална потврда дека Глигор Бишев ќе биде новиот директор на “Шпаркасе банка“ во Македонија. СТОПАНСКА БАНКА – КРЕДИТОР НА МОЌНИ БИЗНИС ГРУПАЦИИ Стопанска Банка, според големината на капиталот и расположливата банкарска инфраструктура, е меѓу водечките банкарски групации во земјава, се смета за еден од клучните кредитори на поголемите индустрии во земјава. Преку кредити за инвестиции, банката има одобрено кредити на големи компании од металскиот, градежниот и енергетскиот сектор. Неодамна, Стопанска Банка, како и останатите банки во земјава се вклучија и во владиниот прокет “Купи куќа-купи стан“. Еве дел од поголемите кредитни линии што ги ги одбри Стопанска Банка за инвестициска подршка на стопанството. 2006 та година Макстил: Макстил доби кредит од Стопанска Бнака во вредност од 8,6 милиони долари – кредитна линија за инвестиции и за обртни средства . 2008 ма година Макстил: Макстил доби кредит од Стопанска банка во вредност од 56 милиони евра. Овај кредит според највите, е наменет за вложувања на компанијата во погоните на “Челичарницата“ и “Валалницата“ за да се обезбеди намалување на трошоците во производството за 25 отсто и да се покрене нов инвестициски циклус. 2010 та година ЕЛЕМ: Стопанска банка му одбори на ЕЛЕМ кредит од 30 милиони евра за модерницација на трите блокови на РЕК Битола. Од страна на владата договорот го парафираа  министерот за финасии Зоран Ставревски и тогашниот директор на ЕЛЕМ Влатко Чинговски. 2012 та година „Гранд Престиж“: Стопанска Банка одобри инвестициски кредит за изградба на грандиозниот станбен комплекс “Гранд Престиж“. Во мај, лани потпишан е момрандум со инвеститорите “Импексел 2“ и “Еуро Актива“. Локацијата на комплексот беше во Скопје, во близина на поранешната фабрика “Алумина“. Вкупната финансика конструкција на овој проект беше проценета на 60 милиони евра, а Стопанска Банка требаше да кредитира дел од оваа сума. Овој прокет беше вовлечен во „афера“ откако управителот на “Еуро Актив“ заврши во притвор поради сомнение за злосторничко здружување. 2012 та година „Купи куќа купи стан“: Стопанска Банка се вклучи во владиниот проект “Купи куќа- купи стан“, нудејќи станбени кредити со субвенционирана камата или субвенционирано учество од страна на државата. ДАЛИ НОВИОТ МЕНАЏМЕНТ ЌЕ ЈА СМЕНИ КРЕДИТНАТА ПОЛИТИКА? Дел од стопанствениците кои имаат банкарско-кредитни релации со Стопанска Банка не очекуваат дека директорската смена во банката ќе ја  промени сегашната кредитна политика. Именувањето на странец за прв човек на банка во странска сопственост  стана пракса во земјава. Речиси сите странски банкарски брендови се менаџирани од странски директори, но испреплетеноста на Стопанска Банка со македонската економија е од таков габарит, што, секако не е сеедно кој ќе седне во директорската фотелја. Изворите на Фактор сметаат дека изборот на Братос, како човек што добро ги познава релациите во бизнис заедницата, е веројатно решение. К. Н.