Груевски и Георгиевски со реакции по новата истрага на СЈО

Добивај вести на Viber

Поранешните премиери Никола Груевски и Љубчо Георгиевски, кои сепак нема да бидат гонети поради застареност на делото, се најдоа како осомничени во новиот случај „Поштенски банки“ кој денес го објав СЈО и експресно реагираа дека немаат никаква врска со аферата.

Поранешниот премиер Никола Груевски, се јави со реакција за најновата истрага на СЈО „Поштенска банка“, за која како што вели не бил информиран дека се води предистрага, ниту, пак, бил прашан за нешто. Тој таму се споменува во својство на министер за финансии во владата на Љубчо Георгиевски.

„ Денес повторно, иако не ме внесуваат во истрагата, СЈО ме спомнуваат дека пред 17 години сум учествувал во нешто за што во тоа време, ниту како министер сум имал ингеренции да учествувам, ниту најголем дел од луѓето во тоа време лично сум ги познавал, ниту знам што и дали воопшто имало нешто противзаконско, ниту пак на било кој начин сум учествувал. СЈО или било кој друг досега не ме информирал дека се води предистражна постапка за ова, ниту ме прашал нешто за тој предмет. Очигледно, ако во ова време на политички прогони и хајки, не се спомне моето име, СЈО не го чуствуваат доволно атрактивен предметот кој го работат“, пишува Груевски во неговата реакцијата.

СО реакција излезе и Љубчо Георгиевски за истрагата „Поштенска банка“ на СЈО:

„Пред неполна година бев повикан во СЈО каде ми беше презентирана бомба – разговор на Томица Главчев со висок функционер на власта од кој барајќи одредени услуги го спомнува и Никола Груевски во контекст на неговата банка.

Односно дека Груевски во првата влада побарал од него да учествува во приватизацијата на Поштенска Банка.

Кога бил викнат во СЈО ја сменил изјавата па рекол дека во кабинетот на Георгиевски како Премиер бил повикан тој. Јас, Никола Груевски и Марјан Ѓорчев имаме побарано од него да учествува во приватизацијата.

Откако енергично негирав дека никогаш немало таков разговор тој пак ја сменил изјавата дека тој сам бил повикан од мене и таму имало неколку советници од владата. При што понудив да му ги покажат сликите од советниците затоа што имав само девет и лесно ќе ги препознае. Сите други обвинети доблесно негирале дека никогаш со мене не воделе разговор за приватизацијата на Поштенска Банка.

И тогаш пред СЈО и сега пред јавноста недвосмислено изјавувам дека немам ништо со приватизацијата со Поштенска банка а уште помалку со второто дело за кое ги товарат. Се работи за јасни постапки на приватни бизнисмени каде што целиот интерес профит е за нивните фирми. Од сите обвинети личности во животот едно пиво се немам напиено. Жал ми е што и покрај тоа што во СЈО самите ми потврдија дека Томица Главчев три пати ја сменил изјавата повторно решиле да го извалкаат моето име“, вели Георгиевски.