Груевски нема мнозинство за Влада: Кој ќе биде следниот мандатар?
Објавено во: Македонија 30 Јануари, 2017
Владеачката ВМРО-ДПМНЕ и албанската партија ДУИ не постигнаа договор за формирање на влада.
На полноќ истече рокот мандатарот и лидер на ВМРО-ДПМНЕ Никола Груевски да формира Влада.
„ВМРО-ДПМНЕ заедно со коалицијата „За подобра Македонија“ како победник на одржаните избори на кои доби најголема поддршка на граѓаните смета дека формирањето на Влада треба да ја затвори политичката криза, а не да ја продолжува. Сметаме дека нови избори се зрело решение“, пишува во соопштението на партијата на Груевски кој реши да не излезе на прес конференција.
Портпаролот на ДУИ пак изјави дека партијата на Ахмети не се одлучила за ниту една од петте опции, што значи дека преговорите за формирање на нов владин кабинет продолжуваат.
Според неговите зборови, на таа партија и требало повеќе време, бидејќи аргументите изнесени на состанокот на претседателството на ДУИ бил доста јаки.
„Дебатата на состанокот беше конструктива и добронамерна, како би се донела најдобра и најздрава одлука за сите граѓани на земјата“, рече Османи.
ДУИ имаше можност да се определи за формирање на коалиција со стариот партнер ВМРО-ДПМНЕ, со СДСМ или да формира широка коалиција, а меѓу опциите беше и да стане опозициска партија или да се оди на нови избори.
Денеска се очекува првиот мандатар да го врати мандатот. А кој ќе биде следниот чекор за формирање Влада е неизвесно. Во игра се сите опции
Изборите беа одржани на 11 декември, а тогаш ВМРО-ДПМНЕ освои 51 од 120 мандати-пратенци, додека СДСМ освои 49 а ДУИ 10 .
Можеби ќе ве интересира
ТОШКОВСКИ НЕ САКА ДА ШПЕКУЛИРА ЗА ГРУБИ: „Немаме информација каде е“
АХМЕТИ: Вчерашната одлука на парламентарното мнозинство без етнички легитимитет за деградирање на позицијата на албанскиот јазик e скандалозна
Општина Центар донесе препорака за забрана за користење мобилни телефони на настава
ДИСЦИПЛИНСКА ПОСТАПКА ЗА СМРТТА НА БЛЗНАЧИЊАТА: Еве што велат од Државниот санитарен инспекторат
Обвинителството ќе испитува како паднал ученикот од прозорец во Прилеп, но чека одговори од полицијата
АДВОКАТОТ МИТРОВСКИ ОБЈАВИ ФОТОГРАФИЈА ОД ЏИП ЗА КОЈ ТВРДИ ДЕКА Е НА АПАСИЕВ - „Драго ми е што напредуваш, ама одвој 40 денари за да го паркираш прописно“
ВЕНКО ОПЕРИРАШЕ, СПЕЦИЈАЛИЗАНТИТЕ УЧЕА: Филипче изврши операција на пациент со сериозен проблем со р'бетот
„НЕ Е НА ГРАНИЦА ЗА ДА ПРОДАВА ЦВЕЌИЊА, ТУКУ ДА ГЛЕДА ВО КОМПЈУТЕРОТ ДАЛИ ЛИЦЕТО Е НА СТОП ЛИСТАТА“ - Тошковски за бегството на Груби, се испитува дали е организирана операција
