ГРУЕВСКИ СЕ СОКРИ КАЈ ОРБАН: Кој му го дозволи бегството?
Објавено во: Македонија 22 Ноември, 2018
Не е јасно како Никола Груевски избега од Македонија. Постапија ли властите доста наивно?
Поранешниот македонски премиер Груевски е во Унгарија, и доби политички азил лично од Виктор Орбан. Тој избегал во Будимпешта ден откако властите во Македонија издадоа налог за негово апсење. Груевски требаше да лежи две години затвор за купувањето на луксузниот мерцедес.
Мирослав Ризински од Бугарскиот културен клуб - Скопје изразува мислење дека, има многу нешта кои ги поврзуваат унгарскиот премиер Орбан и Груевски. Според неговите зборови и двајцата користат антиевропска реторика, а ги поврзува и антиимигрантската политика.
Мирослав Ризински смета дека одлуката на Груевски и Орбан е политичка и нема како да се бара правно објаснување.
„Сите европски извештаи кои зборуваат за правосудниот систем, се најкритични во периодот кога владееше Никола Груевски. Судскиот систем беше крајно партизиран“, рече уште претставникот на БККС.
Тој е на мислење дека нема начин во Македонија да биде организирано бегство без луѓе од самите служби за безбедност во државата. Ризински кажа дека во бегството на Груевски има и српска трага.
„Во потесен круг се коментираше дека Груевски ќе се обиде за избега. Изненадувачки е како властите во Македонија реагираа доста наивно. Целата македонска јавност е многу вознемирена, бидејќи на тој начин се покажува дека државата и институциите не функционираат на начинот на кој треба“, посочил уште Ризински.
На крајот на разговорот тој истакнал дека „процесот на расчистување во Македонија“ ќе заврши со претседателските избори. ВМРО-ДПМНЕ губи ориентација, се повеќе се изолира и маргинализира, истакнува Ризински.