Груевски со уште еден статус пред да оди во затвор
Објавено во: Македонија 06 Ноември, 2018
Eкс премиерот и поранешен лидер на ВМРО-ДПМНЕ, Никола Груевски на Фејсбук сподели мисла од познатиот писател нобеловец, Иво Андриќ.
Ова е уште едно негово видување на настаните пред да замине во затвор.
„Еден е оној кој мора некого да понижи за себе си да се воздигне“, е мислата на Андриќ која Груевски ја сподели.
Адвокатите на екс премиерот, кoj e осуден во „Тенк“ на СЈО, на две години затвор за случајот со набавката на луксузниот „Мерцедес“ од 600 000 евра, вчера поднеле жалба до кривичниот совет за одложување на издржувањето на казната. Ако кривичниот совет го одбие барањето, Груевски ќе мора да се пријави во затворот во Шуто Оризари. Собраниската Комисија утре ќе расправа за предлогот да му се одземе мандатот поради недостојност за извршување на функцијата.
Претходно Груевски изјавуваше дека идните генерации ќе се чудат за што бил осуден.