Хан: Европската комисија ги награди реформските напори на Македонија и препорача почеток на преговори
Објавено во: Македонија 17 Април, 2018
Еврокомесарот за проширување, Јоханес Хан денеска во Стразбур изјави дека Европската комисија ги награди реформските напори на Македонија и препорача почеток на преговори за членство.
Тој рече дека треба да се пофали она што е направено во изминатите месеци. Хан честиташе и рече дека земјата е на добар пат.
„Реформските напори треба да продолжат и во иднина, посебно околу прашањата за јавната администрација, судските реформи и борбата против корупцијата и организираниот криминал. Во однос на судството, важно ќе биде и оценувањето на судиите и обвинителите“- изјави Хан.
Македонија сепак уште треба да работи.
Хан истакна дека политиката за проширување на ЕУ носи резултати, а земјите од Западен Балкан ја потврдиле европската иднина.
Деновиве медиумите пишуваа дека за Македонија ќе има чиста препорака.