22 Август, 2019
0.0181

Хеленик Петролеум ја активираше тужбата против Македонија

Објавено во: Економија 16 Јули, 2019

Хеленик Петролеум повторно ја активираше тужбата против Македонија пред Арбитражниот суд во Париз, со кој грчката компанија, сопственик на скопската рафинерија ОКТА бара околу 32 милион евра. Сумата е на име долг во кој се вклучени и камати, а се побарува зошто нашата земја не го испочитувала купопродажниот договор потпишан при превеземањето на ОКТА во 1999 година.

Во април годинава постапката за арбитража еднаш беше запрена, за да има можност да се постигне договор. Временото запирање сепак не резултираше со конкретен исчекор, по што тужбата повторно е активирана.

Хеленик Петролеум бара надомест зошто државата не откупувала по 500.000 тони мазут од ОКТА како што бил и договорот, во периодот од 2008 до 2011 година.

Македонската Влада, бараше решение, но не успеа да го најде, иако претходно веќе изгуби еден ваков спор со грчката компанија.

„Во договорот, има повеќе клаузули, за соработката за градење на нафтовод, а една од клучните е тоа што државата зела обврска да троши 500 илјади тони мазут годишно и доколку тоа не го прави да плати пенали од 29 долари по тон.  По основ на тој спор нашата држава веќе има изгубено една пресуда за периодот од 2007 година, во 2013 година ОКТА еднострано самоволно престанала да работи и да произведува, но за периодот од 2007 до 2013 година има нова тужба. Добро е граѓаните и општеството да знаат дека државата е исправена пред тужба од 32 милиони долари како пенал што го побарува Хеленик петролеум по основ на тој договор, рече вицепремиерот Кочо Анѓушев во април годинава.

Тој истакна дека се разгледуваат сите можности и за барањето на грчката страна за ставање во функција на нафтоводот изграден согласно со Договорот, а за што со арбитражната пресуда од 2007 година е пресудено дека 20 проценти се во сопственост на државата, а останатите 80 на Хеленик петролеум.

Инаку првиот пат, Македонија го загуби спорот и на Грците им плати 40 милиони евра, иако пресудата беше за отштета од 86 милиони евра. 


Можеби ќе ве интересира

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Тркалезна маса на тема: „ВЛАДЕЕЊЕ НА ПРАВОТО КАКО ИМПЕРАТИВ ЗА СТАБИЛНИ И ПРЕДВИДЛИВИ УСЛОВИ ЗА ВОДЕЊЕ БИЗНИС“

Промени во органите на управување и раководење на Силк Роуд банка

Промени во органите на управување и раководење на Силк Роуд банка

Ѓорѓе Војновиќ останува Главен извршен директор на Триглав Осигурување АД, Скопје

Ѓорѓе Војновиќ останува Главен извршен директор на Триглав Осигурување АД, Скопје

Која банка прави најмногу пари?

Која банка прави најмногу пари?

Фирмите на Бојан Јовановски под лупа на УЈП

Фирмите на Бојан Јовановски под лупа на УЈП

Која банка направи профит од 17 милиони евра за шест месеци?

Која банка направи профит од 17 милиони евра за шест месеци?

Колку пари ќе потрошат родителите за да подготват прваче за на училиште?

Колку пари ќе потрошат родителите за да подготват прваче за на училиште?

УТРИНСКИ ФОКУС: Како „Бургер кинг“ прави пари во Македонија ?

УТРИНСКИ ФОКУС: Како „Бургер кинг“ прави пари во Македонија ?

Како работи „Бургер кинг“ во Македонија?

Како работи „Бургер кинг“ во Македонија?