30 Јуни, 2022
0.0410

ХЕПАТИС „X“ - ДАЛИ СПАЈК ПРОТЕНИОТ Е ИНВОЛВИРАН ВО НОВОТО ЗАБОЛУВАЊЕ?-Проф. Софијанова за разорното заболување кај децата

Објавено во: Македонија 06 Мај, 2022

Добивај вести на Viber

Случаи на хепатитис или воспаление на црниот дроб кај најмладата популација се пријавени уште во средината на април во повеќе европски земји-Данска, Ирска, Холандија, Шпанија, како и во САД, но први кои алармираа за ова заболување беа британските здравствени власти кои објавија дека откриле повеќе случаи на инфекцијата кај децата од вообичаено. Од вчера и лекарите во Србија алармираа дека можно е да има прв случај, на ова заболување и кај нив.

Во разговор за Фактор, директорката на Клиниката за детски болести, проф. д-р. Аспазија Софијанова, вели дека засега во Македонија не е регизтриран случај на дете со овој, засега непознат вид хепатитис, но конкретно ги посочи симптомите на заболувањето.

-Станува збор за акутно прогресивно заболување на црниот дроб кај децата, а први случаи беа пријавени во Велика Британија, но и во уште неколку европски земј. Ние, педијатрите на нашите редовни стручни состаноци постојано разговараме за ова заболување во последниов месец. Акутното влошување на црниот дроб, од она што досега е познато е како последица од изолиран аденовирусот, но дилемата сега е дали тој адено вирус е поради спајк протениот на корона вирусот, бидејќи најверојатно е тип на адено вирус кој е премногу разорен за црниот дроб. Сега се поставува прашањето дали таа разорност е поврзана со короната, дали има врска со спајк протениот кој го има во аденоврусот или е некој независно создаден сам по себе бидејќи е познато дека вирусите повремено имаат тенденција да мутираат и да прават мутираат и да прават такви необјасниви здравствени појави. Но, во конкретниот случај, ги напаѓа децата, односно црниот дроб кај децата. И за жал е толку брзо агресивен да не може ниту една хепатопротективна терапија да влијае. Не влијае терапијата која би го заштедила делот од црниот дроб кој е веќе разорен. Единствен начин на лекување е трансплантација на црн дроб. Веќе од повеќе од стотина случаи во светот со ова заболување, веќе се направени 70-тина трансплантации кај децата, посочува проф. Софијанова.

Истовремено нагласи дека првите знаци на болеста се кога детето одбива да јаде, малаксано е изнемоштено е, а потоа тоа преминува во жолто обојување кое резултат е излевање на жолтилото од црниот дроб.

-Ако се препознае брзо се прават сите можни испитувања. Биохемијата е секако најважна од која се гледа дали има покачување на билирубините во крвта, а тука станува збор за директниот билирубин заради кои се јавува жолтилото. Потоа се прават испитувања за присуство на вирусите и кај сите случаи досега е пронајден аденовирусот кој дава низа симптоми. Прогресивните исходи кои се последица на вирусот укажува на тоа дека станува збор за некоја нова варијанта на аденовирусот, и дали е спајк протениот инволвиран, навистина се уште не е утврдено, вели директорката на Детската клиника.

Инаку, како што вели проф. Софијанова, станува збор за заразно заболување кое се пренесува преку контакт, преку рацете, заради што треба поголемо внимание да се обрати на хигиента.

-Тоа е инфективен процес, кој треба да се сопре навреме, посочува директорката Софијанова во разговорот за Фактор.

Анита Буховски


Можеби ќе ве интересира

Мицевски: Ова законско решение се носи да се продолжи мандатот на петнаесетина судии и десетина обвинители кои носат партиски oдлуки

Мицевски: Ова законско решение се носи да се продолжи мандатот на петнаесетина судии и десетина обвинители кои носат партиски oдлуки

Снежана Калевска-Ванчева ќе бара јавно извинување од пратеникот кој ја снимал

Снежана Калевска-Ванчева ќе бара јавно извинување од пратеникот кој ја снимал

Ковачевски вели дека пратеник снимал колешка на 15 сантиметри од деколтето

Ковачевски вели дека пратеник снимал колешка на 15 сантиметри од деколтето

Славчо Попоски вели дека топлиот бран продолжува, но ќе има услови за попладневно и вечерно невреме

Славчо Попоски вели дека топлиот бран продолжува, но ќе има услови за попладневно и вечерно невреме

НЕ ГО ОПРАВДУВАМ АДЕМИ, АМА НЕМИЛИОТ НАСТАН ГО ИСПРОВОЦИРАА ТИЕ КОИ ГО ИСКОРНАА МИКРОФОНОТ - Спикерот за инцидентот

НЕ ГО ОПРАВДУВАМ АДЕМИ, АМА НЕМИЛИОТ НАСТАН ГО ИСПРОВОЦИРАА ТИЕ КОИ ГО ИСКОРНАА МИКРОФОНОТ - Спикерот за инцидентот

ЗГОЛЕМЕН БРОЈОТ НА ЗАРАЗЕНИ СО КОВИД ДУРИ ЗА 65,8 ОТСТО: Комисијата за заразни болести апелира на здолжително носење маски

ЗГОЛЕМЕН БРОЈОТ НА ЗАРАЗЕНИ СО КОВИД ДУРИ ЗА 65,8 ОТСТО: Комисијата за заразни болести апелира на здолжително носење маски

Товарен воз усмрти двајца емигранти кај Гевгелија

Товарен воз усмрти двајца емигранти кај Гевгелија

Македонците застапени и во Советодавниот Oдбор во Берлин

Македонците застапени и во Советодавниот Oдбор во Берлин

Бујар Османи во Мадрид му се заблагодари на Чавушоглу што Турција одобри прием на Шведска и Финска во НАТО

Бујар Османи во Мадрид му се заблагодари на Чавушоглу што Турција одобри прием на Шведска и Финска во НАТО