„Хотели Метропол“ со добивка од 536 илјади евра лани

Добивај вести на Viber

Хотелската групација „Хотели Метропол“ минатата година ја заврши со нето добивка од 32,97 милиони денари или 536 илјади евра, што претставува раст, споредено со загубата од 10,25 милиони денари или 167 илјади евра во 2011 година. Според информациите на компанијата објавени на Македонската берза, вкупните приходи на хотелската групација лани изнесувале 168,7 милиони денари, а вкупните расходи 135,5 милиони денари, а продажбата на компанијата е зголемена за 21,2 % споредено со 2011 година. Според предлог-одлуките, што ќе му бидат доставени на акционерското собрание на одлучување, предвидена е исплата на дивиденда од добивката за 2012 во износ од три милиони денари и акумулирана нераспределена добивка до 2008 година во износ од 19,66 милиони денари. Бруто дивиденда по акција ќе биде 21,9 денари. „Метропол“, сопственик на три хотели на брегот на Oхридското езеро: „Метропол,“ „Белви“ и „Турист“. „Фершпед“, пак, е мнозински сопственик на „Хотели Метропол“ и поседува 73,5% од акциите, откако откупи дополнителен удел од 7,63% од Фондот за пензиско и инвалидско осигурување на почетокот од декември лани.