ХРАНАТА ШТО СМЕ ЈА ПРОИЗВЕЛЕ ТРЕБА ДА ИМА КОМУ ДА ЈА ПРОДАДЕМЕ: Земјоделците чувствуваат последици oд иселувањето
![](/media/main/2024/09/20240911215140.jpg)
Објавено во: Македонија, Агробизнис 12 Септември, 2024
Дека има помалку народ во државата и дека иселувањето не запира, чувствуваат и земјоделците кои редовно одат на пазарите. Тие велат дека за разлика од порано, кога брзо успевале да ги продадат производите, сега има денови кога тешко им оди. Објаснуваат дека структурата на населението се менува, ама и навиките. Во градовите има помалку млади луѓе за разлика од порано, и сметаат дека младите генерации денес поретко прават зимници. Пензионерите пак се со скромни примања и го купуваат најосновното.
„Продавам зеленчук од 2001 година досега. Ако тогаш до 9 часот успевав да продадам 100 или 120 килограми пиперки, сега се мачам да продадам 60 килограми. Посебно кога се во ек одморите, се чувствува дека нема народ“, вели земјоделка од кумановско.
Во сите краеви на Македонија истиот проблем е видлив.
„Нормално дека ако нема народ, не се троши ништо. Се трошеше брзо порано, а сега не купува никој, не зема никој. Луѓето гледаат да бегаат во странство. И уште повеќе ќе замира земјоделството за неколку години. И трговците не земаат многу. Нема пласман. Нема каде да се продаде“, вели Васко Николовски, земјоделец од Радобор.
Ако проценат дека не можат сами да продадат поголеми количини, земјоделците го продаваат зеленчукот на трговците. Но, има и земјоделци кои велат дека за квалитетните производи купувачи секогаш ќе се најдат.
„Се чувствува дека има помалку народ, и производство има помалку, ама и народ помалку. Сепак, добра роба не останува. Секој сака квалитетно да си купи. Секој си има свое мислење“, додава Мите Петров, земјоделец од струмичко.
Последниве неколку години, земјоделците велат дека потешко им оди со продажба на произведената храна.
„Беше подобро, сега оди потешко, последниве пет-шест години“, вели земјоделец од битолско кој продава везен пипер.
Според податоците на Државниот завод за статистика(ДЗС), во 2023 година се намалило производството на домати, краставици, сончоглед. Значително намалување на производството кај овошјето е забележано кај јаболката за 51.2 отсто, кај крушите за 41.2 отсто, кај сливите за 46.1 отсто и кај праските за 50 отсто. Но, и пописот на населението од 2021 година покажа дека има намалување на населението во повеќето општини. За 20 години Македонија е со 185.000 граѓани помалку.
Сања Атанасовскаfoto freepik.com
Можеби ќе ве интересира
„ГОЛТАРИ ВЛЕГОА ВО ПОЛИТИКАТА, МИЛИОНЕРИ ИЗЛЕГОА, ОД КОМАНДАНТИ - МИЛИОНЕРИ“: Бранителите ја имаат поддршката од премиерот
![](/media/main/250x170/2024/09/20240912112002.jpg)
Таравари против Законот за бранителите: Ќе разговараме со ВМРО-ДПМНЕ
![](/media/main/250x170/2024/07/20240722124314.png)
„НАШЕТО ОПШТЕСТВО НАИВНО ВЛЕЗЕ ВО СТАПИЦАТА НА НАЦИОНАЛИСТИТЕ ВО БУГАРИЈА“: Реакција на поранешните членови на македонскиот тим во експертската комисија
![](/media/main/250x170/2024/09/20240912103740.jpg)
МИЦКОСКИ СЕ ПОФАЛИ ШТО НАПРАВИЛЕ ВО ПРВИТЕ 80 ДЕНА ОД ФОРМИРАЊЕТО НА ВЛАДАТА: Покачени пензии, исплата на заостанати плати...
![](/media/main/250x170/2024/09/20240912095639.jpg)
„НЕМАМ ПОИМ ДАЛ ОГЛАСОТ ЗА ДИРЕКТОР НА ЗОО Е ПОНИШТЕН НИ ДАЛИ МЕ ОДБИЛЕ“: Галетановски - адвокат ќе оди деновиве да ги подигне документите ако се уредно прегледани
![](/media/main/250x170/2024/09/20240911230557.jpg)
МАКЕДОНЕЦ НА ВОЗРАСТ МЕЃУ 70/80 ГОДИНИ, ПРОНАЈДЕН ВО ГРЦИЈА: Мобилизирана групата „Грција инфо“, семејството во Македонија контактирано, случајот пријавен во полиција
![](/media/main/250x170/2024/09/20240911223057.jpg)
ФАКТОР НА ДЕНОТ: Жителите на Галате сакаат мирно решавање на проблемот со црквата, градоначалникот за тензиите обвини лица од други општини
![](/media/main/250x170/2024/09/20240911213224.jpg)
ТОШКОВСКИ: Политички лешинари, преку црквата во Галате, предизвикуваат меѓуетнички тензии
![](/media/main/250x170/2024/01/20240129202927.png)
СЕ ЗАКАНУВАЛ НА НОВИНАРКА: Полицијата приведе маж од Тетово
![](/media/main/250x170/2024/09/20240907124337.jpg)