И 90 дена се премалку за бесплатен роаминг, ЕУ под тешки критики

Добивај вести на Viber

Европската комисија ќе го повлече неодамнешниот предлог со кој се предвидуваше корисниците во рамки на ЕУ да користат бесплатен роаминг во период од 90 дена со тоа што на овој начин би се спречиле злоупотреби и би се заштитиле телекомуникациските оператори, но тоа сепак не и се допадна на јавноста која упати жестоки критики. Токму затоа претседателот на Европската Комисија, Жан Клод Јункер побара предлогот да се повлече и да се изработи нов затоа што не му се допаднал. Идејата на регулаторите е да се овозможи ослободување од роаминг додека сте на летен одмор или пак патувате, па сметаат дека рокот од 90 дена или 60 дена од првото пристигнување се сосема доволно. Граѓаните се жалат ако има ограничувања бидејќи тоа воопшто и не е дел од планот кој предвидува целосно бесплатен роаминг, односно наплата според важечките тарифи за телефонски повици, СМС пораки и мобилен интернет од јуни 2017-та. Предлогот исто така не им се допадна на операторите бидејќи сметаат дека рокот е предолг и тие воопшто не би можеле да воспостават заштини цени за роаминг услуги кое се многу поскапи. Балканските земји по иницијативата на Агенцијата за електронски комуникации треба да постигнат договор за ново намалување на цените во роаминг и Албанија, Црна Гора, Босна, Србија и Косово треба да го следат Европскиот пример. Укинувањето нема да важи за земји кои не се членки на ЕУ, но тоа може да го избегнете доколку купите СИМ картичка од оператор на територијата на ЕУ.