И Египет и Тајван сакаат во Азиската банка

Добивај вести на Viber

Ден пред истекувањето на рокот за доставување на пријави за членство во Азиската инфраструктурна инветсициона банка,чие основање го покрана Кина, заинтересираност покажаа и Египет и Тајван.

„Египет аплицираше за членство во AIIB“, изјави портпаролот на египетското Министерство за надворешни работи Бадр Абдел Ати.

Тајван исто така соопшти дека ќе поднесе формална пријава за членство во Азиската банка. Агенцијата меѓутоа, додава дека не е познато дали воопшто ќе може да се приклучат на таа банка, бидејќи Кина веќе долго време го блокира членството на Тајван во бројни меѓународни организации поради спорот околу суверенитетот.

Во текот на викендот желба да пристапат кон оваа банка изразија и Русија, Бразил, Холандија, Данска, Грузија, Турција, Шведска и Јужна Кореја.

Претходно тоа го направија Австралија, Британија, Франција, Германија и Италија, и покрај секепсата околу Азиската банка која владее во Вашингтон и Токио.

Идејата за основање на Азиската банка е кинеска, а привиот меморандум за тој проект во октомври минатата година потпишаа земјите од регионалниот гигант Индија, преку малите и сиромашни земји како што е Лаос, до богатите кои ги вклучуваат Сингапур и Катар.

Основачкиот капитал на банката ќе биде околу 100 милијарди долари, а почетниот акционерски капитал околу 50 милијарди долари.

Набљудувачите во САД и Јапонија изразија загриженост поради плановите на Пекинг да ја основа банката, бидејќи таа организација може да стане сериозен конкурент на Светската банка и Азиската развојна банка, која ја поддржуваат Вашингтон и Токио.

Уште во 2013, кога Кина ја обелодени намерата за основање на банка, САД почнаа да ги убедуваат своите сојузници да ја бојкотираат новата институција.

Американците тврдат дека новата банка по своја прилика ќе има благи стандарди за одобрување на кредити во однос на Светската банка.