И годинава до стан со државна помош
Објавено во: Македонија 27 Декември, 2017
Проектот „Купи куќа, купи стан“ можеби ќе се измени или пак ребрендира со неколку мали новитети, но тоа што е најважно државата и натаму ќе продолжи да одвојува средства за сите кои немаат доволно средства да купат сопствен дом. Затоа Владата на вчерашната 45 седница одлучи да се продолжи оваа мерка и сите заинтересирани граѓани ќе може да аплицираат за „проектот“ и во годината која ни доаѓа.
„Владата на Република Македонија го разгледа и усвои Извештајот за спроведување на Законот за субвенционирање на станбен кредит, со Предлог - одлука за времетраењето на јавниот повик и бројот на јавни повици за пријавување на граѓани за добивање субвенциониран станбен кредит во 2018 година. Со донесување на оваа одлука, и во 2018 година ќе им се овозможи на граѓаните по поволни услови да дојдат до сопствен дом, соопшти Владата.
Досега проектот се реализираше преку субвенционирано учество и субвенционирана камата од страна на државата, а имаше и посебен дел наменет за млади лица покрај брачните парови.