Добивај вести на Viber
И кипарската Влада се обрати кон кредиторите на Европската унија со барање за итна финансиска помош во износ од 14 милијади долари. Средствата се потребни за зголемување на капиталот на банките, а помошта ќе биде наменета и за намалување на буџетскиот дефицит на Кипар, јавува денеска агенцијата БТА.
Антикризната програма за Кипар е разработена од тројката најголеми меѓународни кредитори, Европската централна банка, ММФ и Европската комисија. Владата нема средства за исплата на 751 милион евра, кои достасуваат во ноември. Вкипниот долг на Кипар е 6 милијарди евра кои треба да бидат исплатени до 2015-та година.