И Македонија има недопрена природа: Што да посетите ако сте турист?

Добивај вести на Viber

Се повеќе туристи бележи статистиката во земјава. Последните податоци се доказ дека Македонија е привлечна и атрактивна за странците кои споредбено со лани биле побројни за 12,5%.

Високите температури овој период може да ви донесат и голема возбуда и да ви ја разбуди желбата за нови авантури. 

Ако сте турист во душа не треба да одите далеку бидејќи и нашата земја располага со фантастични предели, како на пример дивата и недопрена природа во Мариово, импресивните пејсажи на Галичица, рустикалните предели на Галичица, мистериозните длабочини на Врело на Матка.

Во Македонија се повеќе се развива авантуристички и активниот туризам, па кога веќе постои голем интерес кај странските гости, зошто и вие да не ја искористите шансата за импресивна летна авантура за која не треба да ги напуштите границите на Македонија.

Може да ја посетите адреналинската патека во Пехчево која бара голема вештина, а максимално го буди адреналинот. Тука се и турите со јавање на коњи во Вевчани и Галичник за незаборавно искуство. 

Љубителите на природата може да уживаат во велосипедските тури низ повеќе атрактивни планини низ Македонија каде во текот на ова лето ќе најдете прибежиште од пеколното сонце.

Природните езера во Македонија исто така имаат голем потенцијал за возбудливи доживувања и летни авантури, но засега тие се ограничени на нуркање.

Ние ви предлагаме и да го посетите и единствениот природен остров во Македонија кој е сместен во Преспанското езеро, но таму бидете многу внимателни и одете во поголема група со резерви на вода и храна.

ФОТО: Инстаграм