И ПО ЦЕЛО ДЕНОНОЌИЕ, СЕ УШТЕ НЕ Е ПРОНАЈДЕНА ИСЧЕЗНАТАТА ЖЕНА ОД ЈУРУМЛЕРИ - граѓаните бараат повеќе детали за да помогнат
Објавено во: Македонија 09 Ноември, 2024 11:27
И по 23 часа од објавата на фејсбук на братот на исчезнатата жена од Јурумлери, Аце Јоциќ, тој се уште нема напишано нов пост на оваа социјална мрежа, што сугерира на тоа дека таа не е пронајдена.
Како што вчера објавивме, исчезната е Лидија Трајковска.
Во објавата замолува за било какви информации и го споделува неговиот телефонски број.
- Исчезната е сестра ми, ве молам за секоја информација да ме контактирате на 078/431-680. Трагот и се губи на раскрницата во Јурумлери - напиша тој на својот Фејсбук профил, каде сподели и фотографија од неговата сестра.
Ќерката на Лидија, Мартина Трајковска посочува дека станува збор за посветена мајка, сопруга, вработена жена без никакви здравствени проблеми.
Лидија утрово околу пет часот излегла од семејниот дом, по што и се губи секаков траг. Со себе не понела лични документи, ниту мобилен телефон. Нејзините блиски вознемирени од случајот апелираат за помош од јавноста во пронаоѓањето на Лидија.
- Никогаш не се случило вакво нешто, сите сме затекнати и бараме помош во наоѓањето на мајка ни. Таа е семејна жена, вработена во Тинекс месара, излегла од дома околу пет часот наутро додека сестра ми и татко ми се уште спиеле. Не знаеме што се случило, ова е голем шок за сите нас и несвојствено за мајка ни, и случајот веднаш го пријавивме во полиција - кажа Мартина.
Последна информација околу нејзиното движење имаме од снимки од камери, живееме во Јурумлери, а таа е забележана на автобуската станица Јурумлери.
Облечена е во зелен дуксер со црни шари, бели фармерки и црни чизми.
Пријателите на фејсбук го замолуваат братот на Лидија да овозможи неговиот пост да се шерува, но и да стави друга слика од неа, со цел граѓаните полесно да можат да ја идентификуваат.
Можеби ќе ве интересира
Обвинителен предлог за напаѓачот на Арсовска, за второосомничениот нема да продолжи гонењето
ПРОДОЛЖЕН ПРИТВОРОТ ЗА ОБВИНЕТИТЕ ЗА ПОЖАРОТ ВО КОЧАНИ - обвинителниот акт доставен до адвокатите
На огласот за 400 пожарникари не се пријавиле ниту толку кандидати
ВЛАДАТАТА ЗА ПИСМОТО НА РОДИТЕЛИТЕ НА ЗАГИНАТИТЕ ВО КОЧАНИ: „Сведување на дискусијата на „здраво како сте“ и „колку чини“ е навредливо
КОНЕЧНО ПРИСТИГНУВААТ УЧЕБНИЦИТЕ ПО СТРАНСКИ ЈАЗИЦИ: Нема веќе учење од тетратки
Првата антикорупционерка доби обвинителен предлог за „Адитив“, друго лице полагало безбедносен тест во нејзино име
ТЕШКА СООБРАЌАЈКА НА ВЛЕЗОТ ВО СКОПЈЕ - едно лице пренесено на клиниките „Мајка Тереза“
НЕМА ВОДА: Нема да има хоспитализација на деца во болницата во Козле
