Игор Лештар: Индустријата за игри вистински предизвик за „Seavus“

Добивај вести на Viber

Македонската компанија  Сивус (Seavus), која веќе 13 години успешно работи на светскиот пазар за напредни технологии и софтверски решенија, во последниов квартал развива нов пазарен сегмент во индустријата за игри која сериозно се наметна во сите комуникациски аспекти и зазема доминантен дел од ИТ пазарот, маркетинг индустријата и телекомуникациите. Како што информираат од Сивус, минатата година компанијата успешно зачекори во индустријата за креирање на игри, заедно со светски најпрестижните компании од оваа индустрија.

„Технологијата постојано се развива и менува со голема брзина, динамика и непредвидливост. Индустријата за игри пак е одличен репрезент за овие развојни процеси.  Активностите и навиките на потрошувачите во оваа индустрија не се исти денес како што беа пред десет, пет, една година. Ја разбираме големината и потенцијалот на пазарот на мобилни и on-line игри и токму во таа насока се разви и новиот проект на Сивус. Создаваме решенија и игри кои се подготвени не само да ја поддржуваат растечката светска експанзија на индустријата на игри, туку и во клучните сегменти да ја предводат”,  вели Игор Лештар главен извршен директор на Сивус.

Како резултат на големата успешност во креирирањето на најсовремени бизнис решенија оваа година се очекува од страна на Сивус да бидат објавени голем број нови мобилни и on-line игри, кои наскоро ќе бидат достапни и на Фејсбук. Инаку, во конкуренција од 70 илјади апликации, две игри на компанијата Сивус успешно се изборија за две од десетте најдобри мобилни и on line игри, во категоријата за најдобри игри со коцки и во категоријата за најдобри казино игри на светскиот натпревар за најдобри апликации за iOS платформата „BestAppEver“.  Апликациите на Сивус се борат во директна конкуренција со светски најпознатите компании за игри: „Zynga“, „Big Fish“, „Playtika“ и „Electronic arts“, соопштуваат од компанијата.. Натпреварот за најдобри апликации за iOS платформата BestAppEver се организира еднаш годишно, од страна на Steel Media Network, светски лидер во маркетингот на апликации. Гласањето за најдобри мобилни и on line игри се одвива на следните линкови: Најдобри игри со коцки: http://bestappever.com/v/dcgm - Yatzy Ultimate. Најдобрите казино игри: http://bestappever.com/v/csgm - Black Jack Ultimate.