Илија Димовски до Еди Рама: Како би било ние да ја отвориме границата само за Македонците од Албанија
Објавено во: Македонија 25 Мај, 2020 15:03
Пратеникот Илија Димовски реагираше на одлуката што ја соопшти премиерот на Албанија, Еди Рама, од 1 јуни да ги отвори границите на земјата, но само за етничките Албанци од Македонија, Косово и Црна Гора. Пратеникот од ВМРО-ДПМНЕ наедно ги повика и албанските партии од Македонија да се произнесат негативно на ваквото непопуларно решение.
„Лудило од 19-ти век. Еди Крстач Рама и неговото право. Доколку на ваква постапка од страна на Албанија нема сериозна и одговорна постапка од страна на Владата на Република Македонија и сите фактори во државата (вклучително и партиите на Албанците) тогаш ние не сме држава, туку сме случајна територија со случајни граници, население и изгубена власт...
Ова е дискриминација по етничка основа спрема граѓаните на Република Македонија. Нашиот Устав ја обврзува Владата да се грижи за еднаквоста на сите без разлика на етничка, верска или било каква разлика. Односот на Албанија е непочитување на нашиот ред и поредок и нашата уставна еднаквост. Република Македонија има обврска да се погрижи другите држави да ги третираат македонските граѓани еднакво“, реагира Димовски.
Тој за ваквиот потег на албанската влада повлече паралели со слични ситуации кои би можеле да се случат во регионот.
„Дали тоа треба да значи дека ние како Република Македонија имаме право да донесеме одлука дека од Албаније ќе влегуваат само Македонци или замислете (лудило) од Косово да влегуваат само Срби.
Или да донесеме одлука дека од Косово ќе ги примаме само кога идат во шопинг, но не и за други потреби.
Или замислете сега Бугарија да дозволи само влез на оние со бугарски пасош. Тоа би бил патот кон 19-ти век. Ако на ова не реагираат ДУИ, Алтернатива, Алијанса и Беса, тогаш еднаквоста која ја бараат е само покритие со убави зборови Да потсетам дека пред неколку дена Србија, Бугарија и Грција отворија граници и направија коридор прескокнувајќи не нас“, напиша Димовски.
Утре на Комисијата за заразни болести една од главните теми ќе биде и отворањето на границите. Министерот за здравство Венко Филипче минатата недела неколку пати истакна дека е рано за отворање на границите.
Можеби ќе ве интересира
СОПРУГАТА И ЌЕРКАТА НА ГАЗДА ДЕКО СЕ ПОВИКАНИ ВО ПОЛИЦИСКА СТАНИЦА: Истрагата се проширува
Пратеникот Миле Лефков ќе ја отвори канцеларијата во Кочани додека Собранието не работи втора недела по ред
ХЕРОЈ: ФУДБАЛЕРОТ АНДРЕЈ ЛАЗАРОВ ПОЧИНАЛ СПАСУВАЈЌИ ЛУЃЕ ВО КОЧАНИ, ТОЈ ПРЕТХОДНО НЕ НИ БИЛ ВО ДИСКОТЕКАТА - се откриваат нови тажни детали за починатите
Обвинителство: Претреси на пет локации за пожарот во Кочани
ОД УКЦ НИШ СТИГНАА НАЈНОВИТЕ ВЕСТИ ЗА ПОВРЕДЕНИТЕ ВО КОЧАНИ - таму се лекуваат тројца наши луѓе, ова е нивната најнова состојба
„БУГАРСКИ ПРАТЕНИК СОБРА 35.000 ЕВРА И ГИ ДОНЕСЕ, НАШИВЕ ОДМОР ЗЕМАА“: Ина Многуфина остро 'од овде треба лифт да те качи на дното'
„ЕДЕН ПАЦИЕНТ СЕ ВРАЌА ОД СТРАНСТВО, ЗА ЖАЛ КАЈ НЕКОИ СОСТОЈБАТА Е ВЛОШЕНА“: Таравари ги соопшти најновите информации
ЌЕ СЕ СЛУЖИ ИФТАР КАЈ УРГЕНТЕН: Подготвен простор за вработените кои постат, а во 13 часот семејствата на повредените од Кочани ќе можат да ручаат
Спортската јавност во шок: Директорот на фудбалската репрезентација му бил соработник на Штекли
