„Илинденска“ затворена до вторник, утре пак нов режим на движење од Автокоманда кон Битпазар

Добивај вести на Viber

Поради изведување градежни активности на булевар „Илинден“ во период од 24 до 27 ноември 2012 година (од сабота до вторник) , сообраќајот и во двете насоки ќе биде пренасочен на ново асфалтирана делница на потег (од Центар кон Карпош) после крстосница со бул. „8–ми Септември“ (непосредно пред бензинската пумпа „Макпетрол“) до крстосницата со ул.„Љубљанска“, стои во соопштението на град Скопје. Исто така од Градот Скопје известуваат дека утре (недела од 07.00 до 13.00 часот), ќе се изведуваат градежни активности за отстранување на дефект на фекална канализациона шахта на крстосницата на булeвар „Александар Македонски“ со улицата „16-та Македонска бригада“, а од таа причина ке биде оневозможен сообраќајот на две сообраќајни ленти и тоа во правец од Автокоманда кон Битпазар, а истиот ќе биде пренасочен на третата сообраќајна лента која ке остане слободна за непречено одвивање на сообраќајот. Од Градот апелираат сите учесници во сообраќајот да се придржуваат кон времено поставениот режим на сообраќај и да ја почитуваат поставената сообраќајна сигнализација.