Имало обид за ликвидација на Петар Богојески?

Добивај вести на Viber

Автомобил вчера се обидел да го истурка Петар Богојески од Македонски концепт на патот Крушево - Прилеп со цел да предизвика сообраќајка несреќа. 

Богојески за Фактор потврдува дека случајот е пријавен во полиција, дадени се податоци за возилото, а сега на потег е МВР.

„Очекувам да ме известат кои се лицата и кој е мотивот за стореното. Сега се чека на МВР“, вели Богојески. 

Објаснува дека следењето почнало од неговата семејна куќа во Крушево, а во неколку наврати се обиделе да го истуркаат од патот и тоа на критични места, мостови, црни сообраќајни точки. Богојески не е повреден. 

Претходно, порталот „Народен глас“, повикувајќи се на извори во МВР објави дека се бара возило мерцедес С220 сива боја, со која бил нападнат самиот Петар. Напаѓачите дури четири пати се обиделе да го истуркаат од патот и да предизвикаат сообраќајна несреќа. Прогонот на Богоjевски започнал по излезот на Општина Кривогаштани во правец кон Прилеп при што двата обиди биле кај двата мостови од одводните канали, еднаш кај спортскиот аеродром во село Коњари и потоа непосредно четвртиот пат пред влезот на градот Прилеп кај местото обележано како црната точка на патот кон градот.