ИМОТИ „ТЕШКИ“ 500 МИЛИОНИ ЕВРА ПОД ХИПОТЕКА – Македонците не се двоумат да ги заложат само да дојдат до кредити
Објавено во: Финансии 15 Март, 2024
Последните три месеци од минатата година значително пораснал бројот на имоти кои се ставени под хипотека. Имено како што покажуваат податоците на Агенцијата за катастар на недвижнини во последните три месеци од минатата година под хипотека се ставни најголем број имоти во споредба со претходните квартали, но и во споредба со истиот квартал од 2022 година.
Имено извештаите на Катастар покажуваат дека во периодот од октомври - декември 2023 година се запишани товари врз недвижностите во вкупен број од 2.504 и со вкупна вредност од 512,3 милиони евра или 2,77 милијарди денари.
Третиот квартал од минатата година се упишани помалку хипотеки во Катастарот. Како што може да се види од кварталниот извештај, во периодот јули - септември 2023 година се запишани товари врз недвижностите во вкупен број од 1.776 и со вкупна вредност од 376 милиони евра или 1,97 милијарди денари.
Летните месеци биле запишани уште повеќе имоти, во овој период во Катастарот под хипотека биле ставени скоро 1.900 објекти. Поточно, во периодот април - јуни 2023 година се запишани товари врз недвижностите во вкупен број од 1.888 и со вкупна вредност од 295 милиони евра или 2,4 милјарди денари.
Првиот квартал од минатата година под хипотека се запишани 1.670 недвижнини, чија вкупна вредност достигнува 229 милиони евра или 3,3 милијарди денари.
Бројките говорат дека и други години имало повеќе имоти запишано под хипотека на крајот на годината, но сепак, четвртиот квартал од 2023 година има убедливо најмногу записи.
Па така во периодот октомври - декември 2022 година се запишани товари врз недвижностите во вкупен број од 1.956 и со вкупна вредност од 434 милиони евра или 2,3 милијарди денари.
Бројките покажуваат дека во текот на минатата година под хипотека биле ставени скоро осум илјади недвижнини или поточно вкупно 7.838 објекти. Притоа вредноста на недвижнините ставени под хипотека достигнува 1,41 милијарди евра.
Нашите пресметки покажуваат дека бројот и вредноста на имотите кои минатата година завршиле под хипотека е помала во споредба со имотите ставени под хипотека во 2022 година. Имено во текот на 2022 година во катастарот се запишани хипотеки врз 7.658 недвижнини чија вкупна вредност достигнува 1,55 милијарди евра.
П.О.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
БОРБАТА СО СИВАТА ЕКОНОМИЈА КЛУЧНА ЗА ПОГОЛЕМИ ПРИЛИВИ ВО ДРЖАВНАТА КАСА – аналитичарите со забелешки за Буџетот за следната година
Еврото падна на најниско ниво во последните две години во однос на доларот
ПРОСЕЧНАТА ПЛАТА ПОВТОРНО ПОРАСНА - во септември достигна 41.585 денари, еве кои сектори имаат најголем раст
ОБЕЗБЕДЕНИ 4 МИЛИОНИ ЕВРА ЗА ЗЕЛЕНИ КРЕДИТИ ЗА ДОМАЌИНСТВАТА - силна поддршка од ЕБОР, ЕУ И ЈАПОНИЈА
РАСТ И КАЈ ДЕПОЗИТИТЕ И КАЈ КРЕДИТИТЕ - потрошувачките и станбените кредити најпримамливи, еве колку пораснале заштедите
СКИЈАЧИ, ЕВЕ КОЛКУ ЌЕ ВЕ ЧИНИ СКИЈАЊЕТО НА КОПАОНИК: „Скијалишта Србија“ ги објави деталните цени
БИТКОИНОТ СО НОВ РЕКОРД, РАСТАТ И БЕРЗИТЕ - и покрај тензиите во светот, инвеститорите не запираат
Која е дамата што шопингот го замени со купување 100 акции во НЛБ Банка и плати 80.000 евра во еден ден?
КОМПАНИЈАТА ТОНЕ ВО ПРОБЛЕМИ, НО НЕ И НЕЈЗИНИОТ МЕНАЏЕР: Фолксваген не може да се пофали со бизнисот, но може со плата на еден вработен
