Инспекторите влегоа на клиниките, се готви ли задушување на штрајкот?

Добивај вести на Viber

Клиниките на удар на испекцијата, се бараат пациенти кои не добиле здравствена услуга поради лекарскиот штрајк. Налогот стигнал од врвот, по што инспекторите се упатиле кон клиниките да бараат лекари кои вратиле пациент, но на распит се и пациентите па од нив се бара да им биде посочено дели и од кој лекар конкретно биле вратени. Додека од Државниот санитарен инспекторат уверуваат дека ова биле вообичаени контроли, од Синдикатот на Кличнички појаснуваат, ова е начин на замолкнување на лекарите. „Ова е еден од најцрните денови во земјава за демократијата и за здравството. Од утринава масовна акција на ДСИ кружи по клиниките и зема изјави од лекарите со цел да предизвика страв и да изврши притисок. Јасно е дека ова е класичен случај на монтажа, брутален и отворен пред очите на јавноста. Работата на Државниот санитарен инспекторат нема никаква основа затоа што и до сега на секоја врата и ординација имаше известување од директоротите, доколку има какви било проблеми со лекарите и прегледите, да можат да им се обратат на нив“, истакна Дејан Ставриќ, претседателот на синдикатот на Клиничкиот центар. Од штрајкувачкиот уште еднаш го повикаа Министерот за здравство, Никола Тодоров на одговорност за своите , како што велат непромислени постапки. „Активирањето на целокупниот државен здравствен инспекторат претставува уште една злоупотреба на министерот на државна институција. Прво го злоупотреби судот, а сега го злоупотребува Државниот санитарен инспекторат“, изјави Ставриќ. На денешниот 30-минутен штрајк пред Министерството за здравство, дел од лекарите биле спречени да се појават токму поради распитот од инспекторите. Тие стапија во штрајк на 14-ти ноември, поради воведувањето на платата по учинок. Откако министерот негираше дека му се случува штрајк и одби да ги прими на преговори, тие барања за прием упатија до државниот врв. Додека чекаат одговор, најавуваат дека и покрај притисоците и заплашувањата, штрајкот и понатаму продолжува се до исполнување на нивните барања или изнаоѓање на компромисно решение.