Солтер: Во Прилеп се произведуваат најпопуларните цигари во светот

Солтер: Марлборо е една од најпознатите трговски марки меѓу сите производи за широка потрошувачка и е светски број еден меѓународен бренд за цигари од 1972 година. Имаме најпродавана меѓународна цигара речиси половина век, благодарение на посветеноста на PMI за одржување највисок квалитет на своите производи. Со тоа, довербата дадена од потрошувачите е гарантирана и оправдана. Покрај знаењето и искуството во индустријата, и тоа на глобално ниво, за производството на новите формати ја донесовме и технологијата и современа машина. На тој начин создадовме производ што ги содржи двете најважни работи за нашите клиенти - ист квалитет и ист вкус. Морам да кажам дека со процесот на модернизација кој беше спроведен во прилепската фабрика, ТКП ги исполни високите и многу строги стандарди и барања на Филип Морис за производство на премиум брендови. Работевме заеднички на ова подигнување на стандардите и горди сме што ТКП се запиша во мапата на PMI за производители на Марлборо.

 Дали има и кое е поширокото значење на овој чекор?

Солтер: Секако дека има поголемо и пошироко значење, кое излегува од бизнис плановите на компанијата, а тоа еда овозможиме во Македонија да се произведуваат врвни, висококвалитетни производи и брендови кои имаат повеќедецениска глобална традиција. Тоа значи дека Македонија може да понуди квалификуван кадар, дека применува стандарди, дека е технички и технолошки опремена да одговори на високостандардизираните барања. А мапирањето на земјата во врстата на овие селектирани производители, е простор за привлекување и на други познати производители и компании. Филип Морис ТКП, не е единствената компанија во Македонија што тука, локално создава премиум производ туку, со еден иконски бренд како Марлборо, ја проширува листата на индустрии и отвора уште поголеми можности.

Голем број пушачи во Македонија веќе знаат што е IQOS, иновативен производ на компанијата Филип Морис. Кога пушачите ќе ја добијат приликата да преминат од цигари на овој помалку штетен производ?

Солтер: PMI како компанија се развива на иновативен начин. Тутунската индустрија е сведок на големи промени и ние сме водачи на тие промени. Посветивме повеќе од декада и значителни човечки, експертски и финансиски ресурси на развојот на научни достигнувања како што е IQOS-от каконесогорливи алтернативи на цигарите. Овие производи ги нарекуваме Производи со намален ризик (Reduced-Risk Products - RRPs), а според мене, најважно е на милионите возрасни пушачи, кои од која било причина и покрај многуте рестрикции не престануваат да пушат, да им се понуди алтернатива, друга опција и избор. Нашите експерти понудија решение  во тутунски производи кои се загреваат при што се создава аеросол кој во себе во просек има 90 до 95 отсто помалку штетни и потенцијално штетни соединенија во однос на димот од цигарите. Сепак постојат многу фактори кои мораат да се исполнат за ваков производ да се појави на пазарот. Она што можам да го кажам во моментов е дека интензивно работиме на прилагодување, како на нашата организација, така и на надворешните фактори за да можеме што побрзо да ја понудиме оваа помалку штетна замена за цигари.

Како компанија предводник сте и на полето на општествената одговорност, пред се во однос на обемноста на донациите. Каде вложувате и која област е ваш приоритет?

Солтер: За нас општествената одговорност е повеќе од само давање на заедницата, тоа е систем на вредности преку кој се обидуваме да поттикнеме и помогнеме во создавање на концепт на одржливост во кој било домен или поле. Врз снова на тој систем на вредности веруваме дека образованието и здравата одржлива економија се сржта на секое модерно и цврсто поставено општество и просперитетна заедница. Така, еден од нашите приоритети е образованието бидејќи тоа е исклучително важно за секоја заедница и од него зависи иднината на секоја земја. И не треба да сме астрофизичари или генијалци да разбереме дека образовани деца израснуваат во образовани млади, а тие пак во образовани и висококвалификувани вработени. Нашата последна инвестиција од тој вид беше во средното општинско училиште Ристе Ристески – Ричко во Прилеп, во која инвестиравме 80.000 долари во реновирање и оформување на специјализирани школски електротехнички лаборатории. Покрај тоа, соработката е проширена со тоа што учениците ќе можат да посетуваат пракса во ТКП. Во ова училиште се изучува електротехничка и машинска струка, што е поттик за стопанството во целост а за ТКП ова е начин да обучува кадри кои во иднина ќе можат да станат дел од колективот на фабриката. А во контекст на тоа, го имавме и проектот „Моја идеја Мој бизнис”, чија цел беше да ја намали невработеноста и да им помогне на младите лица до 35 години од Пелагонискиот регион да ги остварат своите соништа преку отворање нови бизниси, како и преку наградување на 7 студенти, избрани на студентски натпревар, преку помош во нивното образование. Тоа се тие вредности што сакаме да ги пренесеме и наметнеме, тука е суштината и вистинската големина на општествено одговорните практики.