Инвеститор градејќи нова зграда во Ѓорче Петров, им урна ѕид на станари, општината ги повика да тужат
Објавено во: Македонија 10 Април, 2025 19:44
Инвеститор урна ѕид на станбена зграда при бетонирање на нов објект на улицата Партизански одреди во Ѓорче Петров.Работниците кои работеле на новата висококатница го пробиле соседниот ѕид и целиот бетон кој го нанесувале за плочата завршил по скалите на соседната зграда.
На инвеститорот којшто урна ѕид од станбена зграда во општина Ѓорче Петров ќе му биде изречена соодветна казна согласно законските прописи и без никакво одлагање ќе биде задолжен да ја санира штетата, информираа попладнево од Општина Ѓорче Петров.
Дел од медиумите денеска објавија дека случајот е пријавен утринава околу 10 часот откако дел од станарите на зградата забележале дека бетон се слева по скалите од станбената зграда.
Од Општина Ѓорче Петров велат веднаш по добивање на пријавата, надлежните инспектори се во контакт со управителот на зградата при што утврдиле дека изведувачот и инвеститорот направиле реална штета.
– Силно сме загрижени од информациите за настанатата штета врз станбената зграда и разбираме дека ваквите ситуации предизвикуваат вознемиреност и чувство на несигурност кај жителите. Ве информираме дека веднаш по добивањето на пријавата, нашите надлежни инспектори се во контакт со управителот на зградата и утврдено е дека изведувачот и инвеститорот направиле реална штета. За истата, тие ќе бидат веднаш, без никакво одлагање, задолжени да ја санираат. Дополнително, согласно законските прописи, против нив ќе биде изречена соодветна казна, стои во соопштението од Општина Ѓорче Петров.
Бидејќи се работи за штета со можен основ за надомест, од Општината додаваат дека жителите имаат право да побараат и дополнителна правна заштита преку надлежните судови.
– Сакаме да нагласиме дека Општината нема да дозволи несовесно градење и постапки кои го загрозуваат квалитетот на живеење и безбедноста на граѓаните. Бидејќи се работи за штета со можен основ за надомест, жителите имаат право да побараат и дополнителна правна заштита преку надлежните судови. Секој изведувач и инвеститор е должен да работи одговорно и во согласност со закон, и нашите служби ќе продолжат внимателно да го следат случајот. Ви благодариме што гласно реагирате и ни помогате заеднички да ја чуваме безбедноста и достоинството на урбаното живеење, додаваат од Општината.
Во соопштението се наведува дека единствен надлежен орган којшто има право да влезе во објект во градба е Градежниот инспекторат, за кој велат дека во случајот постапува согласно своите овластувања.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
„АКО ИТАЛИЈА СЕ СПРАВИ СО КОЗА НОСТРА, МОЖЕМЕ И НИЕ СО МАФИЈАТА НА ВМРО-ДПМНЕ“: Филипче најави „бомби 2.0“
КРИВИЧНА ПРИЈАВА ЗА ДИРЕКТОРКА НА СРЕДНО УЧИЛИШТЕ ОД ДЕЛЧЕВО - МВР ја товари за „фалсификуван тест за англиски“
ЕУ ДА ИЗВРШИ ПРИТИСОК ВРЗ ТИЕ ШТО ГО БЛОКИРААТ ПРОЦЕОТ НА ПРОШИРУВАЊЕ: Николоски - Македонија одамна засужила да ги почне преговорите
САД го прошируваат списокот на земји на чии граѓани им се забранува влез
„БЕДА НА БАТЕРИИ“: Дуковски го нарече Фрчкоски политички шанер и блефер
КАКО ЌЕ КАЗНУВА ПОЛИЦИЈАТА СПОРЕД СЕЈФ СИТИ? Имате „шанса за помилување“ само ако се борите за живот
„ДО КАЈ СИ СО КИТЕЊЕТО?“Клучна реченица која го одразува владеењето на ВМРО ДПМНЕ, вели Фрчковски
