Ирена Росо е Македонката која е политички протерана од Србија

Добивај вести на Viber

Ирена Росо е Македонката која е политички протерана од Србија, објави ТВ24,. Таа е една од 13-те странски државјани кои мораа да си заминат откако протестите во земјата добија на интензитет, поради остро реагираше НВО секторот.

Министерството за надворешни работи изрази загриженост поради протерувањето од Република Србија и забраната за влез од една година на македонската државјанка со регулиран престој во државата, кој според наводите на надлежниот орган на Република Србија, претставува „безбедносна закана”.

- Во овој контекст МНРиНТ ќе побара објаснување во поглед на оправданоста на преземените мерки, посебно имајќи го предвид нашето очекување дека истите се во согласност со законските рамки на Република Србија, но и со европските и меѓународни стандарди за човекови права. Искрено очекуваме дека овој случај ќе биде разрешен на соодветен начин, преку дијалог и со присутна добра волја од двете страни, како и во интерес на задржување на континуитетот во градењето на пријателските и добрососедски односи помеѓу двете земји, информираат од министерството.

Протетрувањето на 13 странски државјани од Србија меѓу кои е и македонската државјанка Ирена Росо српските власти го оцениле како  „безбедносен ризик“ за земјата.

Односно извршен им е политички прогон под сомнение дека се  надворешни непријатели кои се обвинети за протестите во Србија. 

Ова дејство, кое се случи на 22 јануари 2025 година, предизвика сериозна загриженост и осуда од страна на организациите кои работат на полето на човековите права и демократските вредности.