НА МАЛИОТ ТАДЕЈ МУ Е ПОТРЕБНА ПОМОШ: родителите на ова момче бараат поддршка за да го испратат на лекување во Белгија

Добивај вести на Viber

Малиот Тадеј Ристевски, 7-годишно момче со аутизам, кое секој ден се бори со предизвиците со кои се соочува. Одржувањето на вниманието и концентрацијата му претставува секојдневна потешкотија во домот, во училиштето, со другарчињата на улица, а неговото отсуство на говор ја отежнува комуникацијата со сите. 

- Со надеж во срцата, го однесовме Тадеј во реномираниот центар Atlantis во Белгија, каде што тој започна со специјализирани терапии за подобрување на говорот и концентрацијата. Веќе по кратко време видовме мали, но значајни резултати кои ни дадоа сила и верба дека нашиот син може да направи чекор напред. Благодариме од срце - семејство Ристевски.

Сепак, посочуваат дека продолжувањето на терапиите во овој центар бара значителни финансиски средства од 20.000 евра, кои не се во можност сами да ги обезбедат. 

- Затоа се обраќаме до сите вас, хуманите луѓе кои ја препознаваат важноста на секој мал чекор напред. Ваша помош ќе му овозможи на Тадеј да продолжи со третманите кои може да ја променат неговата иднина и да го отворат неговиот свет кон зборови и разбирање. Секој прилог, без оглед на износот, е огромна поддршка за нас и за Тадеј. Вашата добрина и солидарност ни даваат надеж дека нашето момче ќе ги победи предизвиците и еден ден самиот ќе ви се заблагодари - напоменуваат родителите на Тадеј.  

Донациите може да ги направите директно на банкарска сметка или преку телефонски позив. 

Име: Фондација Икрауд 

Сметка: 270078016610134 

Банка: Халк Банка

Опис: За Тадеј 

Шифра: 562

Донаторскиот фонд на Фондацијата ИКРАУД можете да го поддржите во износ од 100 денари со телефонски повик.

Телеком  - 143 999