Добивај вести на Viber
Сан Франциско - еден од градовите со најскапи станови и канцеларии во светот, се испоставуви и како лидер во листа за најскапи хотели.
Просечната цена за хотелска соба во градот се зголемила за 88 отсто во изминатата година до малку под 400 долари на ноќ, според индексот составен од новинската агенција Bloomberg.
Втората позиција во рангирањето на Bloomberg е за Женева со малку под 300 долари, а третата е за Милано со 271 долари.
Топ 10 листата се дополнува од Дубаи, Цирих, Тел Авив, Чикаго, Мајами, Лос Анџелес и Хонг Конг.
Растот на цените на хотелите во Сан Франциско во последната година е најсилниот во светски размери. Главен мотор и во овој сегмент од пазарот на недвижности е технолошкиот бум во регионот, експанзијата на пазарот на трудот и недостигот на хотели на позадината на зајакнатата изградба на канцеларии и станови.
Втор по раст на цените на хотелите е Чикаго, следен од Милано и Куала Лумпур.
Меѓу градовите со најголем пад на цените на хотелските услуги се рангираат Њујорк и една од омилените европски дестинации - Париз. Половина пак се намалени цените на хотелите во Будимпешта.
Најевтиниот пазар во светот според Bloomberg е главниот град на Виетнам, Ханој.
Што се однесува само до хотел со пет ѕвездички, најскапиот пазар во светот е Женева со просечна цена од 622 долари на ноќ. Следат Лос Анџелес, Мајами, Единбург и Милано. Топ 10 листата се дополнува од Токио, Њујорк, Хонгконг, Лондон и Ријад. Најевтин пак со пет ѕвездички е престој во Москва и Манама.
Обработка: К.К.
Извор: Bloomberg