Иванов со Бан Ки-мун, претседателот пофален за ангажманите во ОН
Објавено во: Македонија 24 Септември, 2016
Претседателот Иванов на средбата со генералниот секретар Бан ки-мун доби големи пофалби и признание за неговиот ангажман за повеќе теми меѓу кои глобалните климатски промени и актуелната бегалска криза која се наметнува и во Обединетите нации, а Македонија се обидува да биде дел од решениетот.
„Чест и привилегија беше можноста да соработувам со Вас изминатите години, Вие сте еден од највидливите и најактивните лидери“, истакна Бан за Претседателот на Република Македонија, поздравувајќи го лидерството на Иванов на теми од важност за Обединетите нации како климатските промени, Алијансата на цивилизациите, одржливиот развој, мигрантската криза, соопшти Кабинетот на претседателот Иванов.
На средбата биле разменети мислења за актуелните предизвици со кои се соочуваат Обединетите нации, состојбите во Република Македонија и регионот, како и за разликата околу името и процесот што се води во рамки на Обединетите нации.
– Претседателот Иванов ја поздрави иницијативата за одржување состанок на високо ниво на Генералното собрание на Обединетите нации за големите движења на бегалци и мигранти, прашања кои, според претседателот Иванов, бараат заеднички пристап и координирана акција. Претседателот Иванов и генералниот секретар Бан разменија мислења за состојбите во Македонија и во регионот на Југоисточна Европа, особено во контекст на неговата европска и евроатлантска перспектива, информира Кабинетот.
Во однос на разликата за името, Иванов ја истакнал подготвеноста на Република Македонија за конструктивно учество во процесот што се води под Обединетите нации, во рамки на меѓународното право, Времената спогодба, резолуциите на Обединетите нации и пресудата на Меѓународниот суд на правдата во Хаг.
– Претседателот Иванов ги поздрави зачестените контакти како и мерките за градење доверба кои треба да се прошируваат. „Со дијалогот и со мерките се создава позитивен амбиент кој помага за враќање на довербата и подобро разбирање“, истакна претседателот Иванов. На крајот од неговиот втор мандат како Генерален секретар на ОН, претседателот Иванов го пофали лидерството на Бан Ки-мун и неговата посветеност на основните вредности на Обединетите нации и му посака успех во неговите идни ангажмани, стои во соопштението од Кабинетот на Претседателот на Република Македонија.
Можеби ќе ве интересира
ДАЛИ ЗАЕВ ОД ДАЛЕЧИНА САКА ДА МУ ПРЕНЕСЕ НЕКАКВА ПОРАКА НА КОВАЧЕВСКИ - еве што кажа во Америка
МАКСИМ ДИМИТРИЕВСКИ: Засега нема договор за поддршка на некој од претседателските кандидати, за тоа ќе одлучува партиското раководство
Пендаровски: Нашата понуда е единствена која гарантира дека Македонија ќе оди напред
„БИТИЌИ СРАБОТЕ АНТИКРИЗНИ МЕРКИ, БЕКТЕШИ ЗА НАМАЛУВАЊЕ НА ИНФЛАЦИЈАТА, И ГО ИМАШ ГРУБИ КОЈ ИГРА ФУДБАЛ ВО КАНЦЕЛАРИЈА“ - Ковачевски со поостра критика за кадарот на ДУИ
ВИСОК Е 63 И ПОЛ МЕТРИ И Е ВТОР ПО ГОЛЕМИНА КРСТ ВО ДРЖАВАТА - в очи на Велигден осветен крстот во Драчево
Крмов од Велес: Велешани ја препознаваат Левица како единствена опција која потекнува од народот
ИМА НЕДВИЖЕН ИМОТ НА СВОЕ ИМЕ, ДОСЕГА Е НЕОСУДУВАН... - од Врховен суд ги изнесоа причините зошто не треба затворски притвор за таткото на Вања
„АКО СЕ БИДЕ ВО РЕД, ВО ИДНАТА ВЛАДА ЌЕ БИДАТ ЗАЕДНО ВМРО-ДПМНЕ И ЗНАМ“ - новинарот Латас со прогноза
Левица во Битола оддаде почит на загинатите бранители во Вејце
