iVote во 2014-15 издание на „Тајните на успехот“ на Европската Комисија

Добивај вести на Viber

iVote, водечката македонска ИТ компанија, лидер во регионот за изборни решенија, системи за електронска трговија и електронско учење е вклучена во 2014-15 издание на „Тајните на успехот“, брошура издадена од страна на Генералниот директорат за претпријатија и индустрија на Европската Комисија на Европската недела на мали и средни претпријатија 2014. Европската комисија е заинтересирана за успешни претприемачи со необични, инспиративни приказни што прикажале значајна стапка на раст, достигнувања и технолошки развој. iVote како иновативна компанија со препознатлив потенцијал за интернационална експанзија и раст, а воедно добитник на неколку престижни меѓународни награди и признанија, е поканета од страна на Џоана Дрејк, Директор на стратегијата за мали и средни претпријатија и заменик претставник на ЕУ ГД за претпријатија и индустрија на Европската комисија, да присуствува на Собранието на мали и средни претпријатија 2014 (En. 2014 SME Assembly) организирано од Италијанското претседателството на Советот на Европската унија, а во име на Европската Комисија, кое се одржува во Неапол, Италија од 01-03 октомври 2014 година. "Во сегашната економска ситуација, европските компании мора да го насочат своето внимание кон иновативност, продуктивност, ефикасност на ресурсите и висока додадена вредност, ако сакаат да останат конкурентни во глобалниот пазар и да одговорат на предизвикот на создавање нови работни места. Дигиталната транзиција во склоп на глобалната економија претставува клучна точка на трансформацијата на европската индустрија", изјави Антонио Таџани, потпретседател на Европската комисија, одговорен за индустрија и претприемништво. "Претприемачите се клучни за општеството затоа што се извор на иновации, производи и услуги со кои се создава богатство и се подобрува конкурентноста во економијата", изјави Љупчо Антовски, член на Управниот одбор и ко-сопственик на iVote. „Да се биде дел од брошурата „Тајните на успехот“ за 2014-15 година е огромно признание за нашата иновативност и посветена работа што ја покажуваат сите членови на iVote. Со оваа публикација iVote влегува во регистарот на европски иновативни компании од кои се очекува да ги постават идните претприемачки трендови во Европа“, изјави Гоце Арменски, член на Управниот одбор и ко-сопственик на iVote. iVote е водечка компанија специјализирана за технологии за модернизација на изборни процеси, системи за електронска трговија и електронско учење. iVote Demokra е платформа за управување со изборни процеси, изработена според најсовремени технологиии. Обезбедува високо ниво на безбедност и транспарентност во информацискиот менаџмент. До денес, повеќе од 116 милиони гласачи ширум светот и веруваат на Демокра технологијата.