Избори во Италија: Можна е коалиција на Берлускони со Берсани?

Добивај вести на Viber

Поранешниот италијански премиер Силвио Берлускони не ја исклучи можноста да биде во коалиција со неговите традиционални противници од левицата, пренесуваат италијанските медиуми.

„Италија не може да остане вез влада, сега е време да мислат каква корист од тоа ќе има Италија“, истакна Берлускони, при тоа отфрлајќи ја можноста за коалиција со центристите на Марио Монти.

Берлускони истакна дека Монти со својата „економска политика ја довел Италија во опасна ситуација“, како што е рецесија, затворање на илјада фирми и висока стапка на невработеност. Берлускони посочи и дека не е изненаден од исходот на изборите во Италија.

Коалицијата на левиот центар „Италија заедничко богатство“ (ИБЦ) на Пјер Лујџи Берсани победи на вчерашните општи избори во Италија со освоени 29,56 %од гласовите, пред блокот на десницата на поранешниот италијански премиер Силвио Берлускони со 29,17 %, соопшти италијанската Централна изборна комисија по преброени 99,9% од гласачките ливчиња.

Според ваквите резултати, блокот на Берсани освои 344 од 630-те места во Долниот дом на италијанскиот Праламент, Претставнилкиот дом, што и гарантира стабилно мнозинство. Блокот на Берлускони освои 126 пратенички места, пред популистичката партија на комичарот Џузепе Грило, Движење Пет Ѕвезди (МЦС) со 109 мандати и коалицијата „Со Монти за Италија“ на актуелниот премиер Марио Монти, која ќе има 46 пратеници. Останатите три мандати ги добија три помали партии.

Но, за разлика од ова, во Сенатот ИБЦ освои 104 или 105 места, па и заедно со 17-те до 20 сенатори на блокот на Монти не ќе може да го обезбеди неопходното мнозинство од 158 мандати во 315-члениот Горен дон на Парламентот. Блокот на Берлускони може да очекува меѓу 113 и 123 сенатори, а МЦС на Грило меѓу 57 и 63 мандати