Избувнаа пожари во Македонија, гореше и гаражата на струмичкиот суд
Објавено во: Македонија 08 Август, 2019
Повеќе пожари имаше денеска во Македонија.
Пожарот што избувна во гаражата на Основниот суд во Струмица целосно е изгаснат во 16 часот, а во неговото гаснење учествувале 14 пожарникари со четири возила.
Во пожарот целосно изгорел новиот автомобил на Основниот суд во Струмица, а уште еден, кој бил паркиран во неспоредна близина, бил опожарен.
Шумски пожар попладнево избувна на падините на Осоговските планини во близина на селото Лешки, а поради густиот чад и високите пламени јазици за сообраќај е затворен и регионалниот патен правец од Кочани кон туристичкиот центар на Пониква.
Огнот е забележан околу 16 часот над селото Бели и поради ветерот и сувата вегетација брзо се прошири на поголема површина нискостеблеста шума, а веќе зафати и борова шума на околу петнаесетина хектари. На подрачјето се оштетени и овошни насади и повеќе пчелни сандаци, а постои опасност огнот да зафати и неколку викенд куќи во близина.
На терен се излезени сите екипи и возила на Територијалната противпожарна единица од Кочани кои интервенраат во гаснењето на огнената стихја, а поддршка имаат од вработени и механизација на комуналното претпријатие „Водовод“, од шумското стопанство „Осогово“, од Дирекцијата за заштита и спасување и од други институции.