Изгласан предлогот за пристапување кон уставни измени
Објавено во: Македонија 12 Октомври, 2018
Комисијата за уставни прашања со 10 гласови за и 7 против, го усвои заклучокот Собранието да го поддржи предлогот на Владата за уставни измени и Собранието да донесе одлука за пристапување кон измена на Уставот.
Со третиот заклучок, Собранието и наложи на Владата во рок од 15 дена да подготви нацрт текст на уставни амандмани.
Министерот за надворешни работи, Никола Димитров кој зборуваше последен ги повика сите пратеници да размислат дали сакаат да ја втурнат земјава во голема неизвеснот и да ја остават надвор од НАТО и од ЕУ.
Со тоа заврши дебатата за уставните измени во Комисијата за уставни прашања која траеше два дена, пратениците на ВМРО ДПМНЕ останаа на своите позиции дека нема да гласаат за уставни измени и за промена на уставното име.
Собраниската седница е закажана за во понеделник и за да се усвои одлуката за пристапување кон измени на Уставот ќе биде потребно двотретинско мнозинство. „За“ гласаа пратениците од парламентарното мнозинство, а „против“ беа пратениците од опозицијата, членови на комисијата.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
