Измени во Законот за ДДВ

Добивај вести на Viber

Трајна примена на повластената стапка од 5 %  данок на додадена вредност за увоз на компјутери, софтвер и сончеви колектори се измените на Законот за данок за додадена вредност кои по предлог на Министерството за финансии се усвоени од Владата на Република Македонија. Со измените е предвидено и ослободување од ДДВ при увоз на мали пратки од странство со вредност до 22 евра. Со предложените измени на законот, како што соопшти Минитерството за финансии, ќе се пропише трајна примена на повластената стапка од 5 % за промет и увоз на компјутери, термални сончеви системи и компјутерски софтвер.  Целта на примената на трајната повластена стапка е зголемување на квалитетот на информатичката технологија и образование, но и овозможување на поголемо користење на сончевата енергија како алтернативен извор со што ќе се влијае на намалување на потрошувачката на електрична енергија и други извори за енергија, како и за заштита на животната средина. Рокот за повластената стапка за овие добра и услуги истекуваше на 31 декември 2012 година. Со ослободувањето од ДДВ кај малите пратки ќе се овозможи олеснување на постапката при увоз, а ќе се влијание на унапредување на електронската трговија во земјата. Ова ослободување не важи за тутун, алкохол и за парфеми.