ИЗРАЕЛ ПОТВРДИ ДЕКА Е УБИЕН ЈАХЈА СИНВАР: Махмуд Абас свика итен состанок
Објавено во: Свет 17 Октомври, 2024
Израел официјално потврди дека е убиен лидерот на палестинската терористичка група Хамас, Јахја Синвар.
Израелскиот министер за надворешни работи Израел Кац потврди дека лидерот на Хамас, Синвар е убиен. Тој е убиен во операција на израелската армија во Појасот Газа.
„Тројца терористи се елиминирани“ при операции на палестинска територија, соопшти израелската армија.
На социјалните мрежи кружеа слики од труп кој личи на Синвар.
Телото на убиениот е во сопственост на израелската армија и ДНК тестот ќе овозможи со стопроцентна сигурност да се утврди дали лидерот на Хамас е елиминиран. Синвар беше назначен на почетокот на август за политички лидер на таа милитантна палестинска група, по атентатот на лидерот Исмаил Ханије во Техеран.
Синвар (61) стои зад нападот врз Израел кој се случи на 7 октомври минатата година. Тој помина 23 години во израелските затвори пред да биде ослободен во 2011 година како дел од размена на затвореници.
Претседателот на палестинската управа Махмуд Абас претседава со итен состанок на Извршниот совет на Палестинската ослободителна организација на кој ќе се разговара за тековните случувања по убиството на лидерот на Хамас, Јахја Синвар, објави саудискиот канал Ал-Хадат.