ИЗРАЕЛ СЕ БРАНИ НА СЕДУМ ФРОНАТ ОД ХЕЗБОЛАХ, ХАМАС, ХУТИТЕ...Нетанјаху имеше видеообраќање

Добивај вести на Viber

Израелскиот премиер Бенјамин Нетанјаху изјави дека една година по терористичкиот напад на Хамас, Израел се бори на седум фронта.

„Денес Израел се брани на седум фронта против непријателите на цивилизацијата“, рече Нетанјаху во видео-обраќањето објавено денеска, пренесе Си-Ен-Ен.

Тој појасни дека тие седум фронтови се на север: Хезболах кој ја има поддршката од Иран, Хамас во Газа, Хутите во Јемен, терористите од Западниот Брег и шиитските милиции во Ирак и Сирија.

„И ние се бориме против Иран, кој минатата недела истрела преку 200 балистички ракети директно кон Израел и кој е на седум фронтови против Израел“, додаде Нетанјаху.

Тој додаде дека го одржува своето ветување за промена на рамнотежата на силите на северот, меѓу Израел и Либан.

Израел извршил речиси 9.000 напади врз Либан од 8 октомври, додека Хезболах извршил 1.500 во истиот период.

Кога станува збор за Газа, Нетанјаху рече дека Израел има право да се брани и дека преостанатите заложници кои ги држи Хамас, 101 од нив, не се заборавени. Посочи дека се залагаат со сите сили да ги вратат дома. Премиерот на Израел вели дека францускиот претседател Емануел Макрон и другите земји треба да се срамат што повикуваат на прекин на испораката на оружје за Израел.

„Бидете уверени, Израел ќе се бори додека не ја добиеме битката, за доброто на нашата безбедност и за доброто на Израел и безбедноста во светот“, рече Нетанјаху.

Според податоците на палестинското Министерство за здравство, од 7 октомври минатата година во Газа починале 41.825 лица.

Во израелските напади врз Либан минатиот месец, според податоците на либанското Министерство за здравство, загинаа повеќе од 1.400 луѓе, а речиси 7.500 беа повредени.