Израелскиот премиер Нетанјаху се заблагодари и на Македонија за поддршката
Објавено во: Македонија 16 Мај, 2021
Израелскиот премиер Бенјамин Нетанјаху се заблагодари и на Македонија за поддршката која ја даде во време кога тие се борат против Хамас.
Тој на својот официјален Твитер им се заблагодари на 25-те држави меѓу кои се наоѓа и Македонија кои и дадоа поддршка на земјата и нејзиното право да се заштити од терор.
Нетанјаху им се заблагодари на државите кои ја поддржуваат неговата земја во борбата против теророт. Меѓу нив од Балканот се најдоа Македонија, Албанија, Босна и Херцеговина и Словенија. Во земјава и ВМРО-ДПМНЕ даде поддршка на Израел.
Некој нека му каже на Мицко дека Хамас за Палестинците, е она што е ВМРО за Македонците! И плус, нека го поучи дека и Арапите се семити“, реагира претседателот на Левица, Димитар Апасиев за ставот на Христијан Мицкоски, лидерот на ВМРО-ДПМНЕ, дека се „неприфатливи нападите од Хамас кон Израел“.