ЈАКИМОВСКИ: Соочени сме со колапс на ЈП „Паркови и зеленило“
Објавено во: Македонија 13 Јуни, 2025 18:50
Градоначалникот на Општина Карпош, Стевчо Јакимовски вели дека се соочени со колапс на ЈП „Паркови и зеленило“.
Рече дека за вакво неработење граѓаните на нивната сметка секој месец уплаќаат надомест за одржување на зеленилото.
„Очигледно дека оваа пролет во целост го изгубија својот здив и не успеваат да го окосат ниту зеленилото покрај булеварите и главните сообраќајници. Пред триесетина дена ни рекоа дека немаат бензин. Неколку дена им дававме бензин. Потоа не известија дека им се расипале косилките и дека немаат резервни делови. Продолживме ние, со нашите капацитети, иако не е наша работа, да ја косиме цела општина. Но, ги замоливме барем да ја соберат, (изгребат) окосената трева. Ни ова не го прават. Но денешниов ден за мојава долгогодишна кариера е посебен! Имаме ваква ситуација: Бидејќи покрај булевар Теодосиј Гологанов и Адолф Циборовски воопшто не е окосено (се појавуваат влекачи, напаѓаат крлежи), по реакција на граѓаните ги замолив косачите што ги плаќа општина Карпош да го окосат тој дел. Денес ми се јави еден од косачите и ми вели: „Шефе, дојде еден инспектор од Град Скопје и ми бара лична карта да ме казнел зошто не сум смеел да косам, оти ова зеленило било нивно. Те молам кажи ми да му ја дадам личната карта? Да не му ја дадам? Или да го треснам со косилкава по глава?“ Почитувани граѓани на Карпош, Искрен да бидам не знам што да му одговорам на кутриов работник. За прв пат во животот немам одговор. Ве молам за помош! Дали нашиот работник (косач): а) да се легитимира? б) да одбие да се легитимира? в) да го тресне инспекторот со косилката по глава?“, регира тој.
За хигиената во Скопје има многу забелешки.
Можеби ќе ве интересира
ФАКТОР НА ДЕНОТ: Бугарски министер го нарече Мицкоски „северномакедонски“ премиер, МНР го повика амбасадорот на разговор
БУГАРСКО МНР ДО МАКЕДОНИЈА: Нема да толерираме говор на омраза и лични напади
„Прогласена е кризна состојба“ – СМС пораката која стигна до граѓаните е тест
МИЦКОСКИ ЗА ГЕОРГИЕВ: Тоа момче е пратено да привлече мое внимание
МЕРКИ ЗА ПРЕТПАЗЛИВОСТ ЗА ТАТКОТО: Детето од Ново Село кое беше врзано е сместено во згрижувачко семејство
ОЈО: Извршен е разговор со децата уапсени за пожарот кај Стајковци и се пуштени
МНР ОЧЕКУВА ИЗВИНУВАЊЕ ОД СОФИЈА: Недоличниот речник претставува директна повреда на основните принципи на меѓународното право
МИЦКОСКИ: Можеби некој очекуваше дека ќе ги напуштиме преговорите, ќе докажеме дека сме најдобриот ученик
