Јакупи нов директор на стоковни резерви, Бељули на Агенција за вработување

Добивај вести на Viber

Сељатин Бељули е именуван за в.д. директор на Агенција за вработување на синоќешната владина седница, а Месуд Јакупи е назначен за в.д. директор на Агенција за стоковни резерви.

Владата вчера на шестата седница донесе повеќе одлуки за разрешување на досегашните и именување на нови кадровски решенија, меѓу кои и Седад Рушанина Бирото за метрологија, орган во состав на Министерството за енергетика, рударство и минерални суровини.

Фејсаљ Беадини, се именува за в.д. директор на Биро за процена, орган во состав на Министерството за правда, познато порано како Биро за судски вештачења.

Донесени се неколку одлуки за именување на директори на државните инспекторати. Шабан Алајбегу се именува за в.д. директор на Државниот просветен инспекторат, Хаќим Рамадани на Државниот инспекторат за локална самоуправа и Зухејр Реџепи на Државен инспекторат за градежништво и урбанизам.

Ељјеса Незир се именува за в.д. директор на Државниот завод за индустриска сопственост, а Гранит Османи ќе ја води Агенција за примена на јазикот што го зборуваат најмалку 20 проценти од граѓаните.