Новата компанија која ќе ги гради незавршените патишта од „Алпине бау“ ќе се знае во октомври

Добивај вести на Viber

Миле Јанакиески, Министерот за транспорт и врски изјави дека новата компанија која ќе ги гради незавршените патишта од страна на банкротираната австриската градежна компанија „Алпине бау“, ќе се знае во октомоври. Пругата што требаше да се изгради, 90 отсто е завршена, но ќе се бара градежна фирма за локалните патишта.

„Во однос на пругата, како што кажав и претходно 90 отсто од работите се завршени и тука нема проблем.Во делот на локалните патишта наплатени се сите гаранции од страна на ЈП „Државни патишта“. Веќе сме во постапка на распишување на нов повик. Бидејќи оди преку Европската банка, целокупната документација е доставена дотаму и чекаме деновиве да биде одобрена. Тогаш ќе следи нов јавен повик каде што ќе можат да се јават градежните компании за дел од патиштата кои беа земени за работа од „Алпине бау“. Очекувам дека во октомври месец ќе склучиме договор,“ изјави Јанакиески.

„Алпине бау“ пред два месеци прогласи банкрот  поради тоа што не успеа да се договори со доверителите за реорганизација на обврските во висина од 2,6 милијарди евра. Фирмата беше ангажирана на изградба на управната зграда на јавното претпријатие „Водовод и канализација“, како и на рехабилитација на две делници од железничкиот Коридор 10, Табановце - Куманово и Миравци - Смоквица со вкупна должина од 24,1 километри.

.Агенцијата за патишта веќе ги раскина договорите  и во процедура е враќањето на вложените средства преку активирање на банкарската гаранција. Во меѓувреме  избрани се компаниите Гранит ,Бетон и Струга Илинден за довршување на неизградените патишта. Од договорените 47 патишта „Алпине Бау“ имаше завршено само 14 ,додека останите или беа во изградба или не беа воопшто започнати. Вкупната инвестиција на сите проекти на кои работеше „Алпине Бау“ во Македонија надминува 30 милиони евра.

Исто така и во Србија беа раскинати договорите со „Алпине бау“. Претпријатието Коридори Србија обелодени дека ги раскинале сите 4 договори со австриската компанија која ја градела делницата од автопатот Пирок исток –Димтровград и обиколницата околу Димитровград.