Јанева дошла на работа, ама не знае кога ќе ја викнат на распит
Објавено во: Македонија 12 Август, 2019
Специјалната јавна обвинителка Катица Јанева е вратена од годишен одмор и од денеска е официјално на работа, но засега не е повикана да даде исказ во Јавното обвинителство за случајот „Рекет“, пренесе МИА.
Од СЈО потврдиле дека Јанева денеска се јавила редовно на работа, по завршување на годишниот одмор и дека се уште нема добиено никаква покана од Јавното обвинителство да се јави на распит.
Во снимените разговори и видеата што ги објави интернет изданието на италијанскиот весник „Ла Верита“, а во врска со случаите „Рекет“ и „Империја“ беа споменати СЈО, Катица Јанева и обвинителката од СЈО Лиле Стефанова.