Јетон Шаќири ќе раководи со Министерството за земјоделство
Објавено во: Македонија 06 Декември, 2021
Извори од ДУИ потврдија дека Јетон Шаќири ќе раководи со Министерството за земјоделство, шумарство и водостопанство.
Шаќири досега го водеше Министерството за информатичко општество и администрација.
МИОА, со вчера потпишаниот договор меѓу премиерот Зоран Заев и лидерот на Алтернативата, Африм Гаши, ќе го предводи човек на новиот коалиционен партнер.
Во меѓувреме, Земјоделството го водеше Аријанит Хоџа од Движењето Беса, но партијата ја напушти Владата, влегувајќи во опозицискиот блок.
И првиот вицепремиер Артан Груби најави дека земјоделството ќе и припадне на ДУИ.