Ќе никне нова населба во скопската општина Илинден
Објавено во: Македонија 16 Октомври, 2012
Со продажба на парцелите наменети за семејно домување во станбени куќи, Општината има намера да им излезе во пресрет на оние што го немаат решено станбеното прашање, да дојдат до градежна парцела на која ќе изградат сопствена куќа. Почетната цена на електронско јавно наддавање за градежните парцели изнесува 95 денари за метар квадратен.
Право на учество на јавното наддавање имаат физички и правни лица кои што ќе достават Пријава за учество во јавно надавање, која треба да се достави до 07.11.2012 година на адресата на Општина Илинден, а јавното наддавање ќе се оддржи на 12.11.2012 година по електронски пат.