Добивај вести на Viber
Во Берово ќе се гради цела населба. Министерството за транспорт и врски објави оглас за продажба на локации во туристичките населби „Суви лаки“ и “Беровско Езеро”. Станува збор за локации со вкупна површина од 25.677 метри квадратни. Почетна цена за дел од парцелите е 61 денари од метар квадратен а за дел 350 денари за метар квадратен. На локациите е предвидено да се градат , станбени куќи (семејни куќи со градини, индивидуално домување, становање, зона на зејоделски домаќинства, селски стопански дворови, индивидуално домување со терцерни дејности), големи трговски единици (трговски објекти, трговски центри, пазари, кванташки пазари, сточни пазари, агроберза, сервисни дејности), објекти за времено сместување (викенд населби, викенд зони, викенд куќи, мотели, планинарски домови, ловен дом, камп), хотелски комплекси (угостителки и туристички капацитети, хотели, хотелски комплекси, сервисни дејности, преноќишта, пансиони, сите видови на одмаралишта, бањи).
Јавното наддавање е закажано за 19-ти ноември.