КАДЕ ИСЧЕЗНА АРСОВСКА? Горат депонии во Скопје, градоначалничката ја нема

Добивај вести на Viber

Градоначалничката на Град Скопје Данела Арсовска, која цело време е активна на социјалните мрежи и неретко излегува на терен кога се во прашање дивоградбите, ја нема додека во Скопје горат Вардариште, Дрисла и електронскиот отпад во Трубарево.

Фактор се обиде да ја контактира Арсовска, со прашање зошто како градоначалник на Скопје досега не отиде кај ниту една од опожарените депонии и дали планира да отиде на местата по пожарите, но до овој момент, не добивме никаков одговор од неа, ниту пак одговори на нашите телефонски повици.

Инаку едно од ветувањата на Арсовска беше дека во првите 82 дена од нејзиниот мандат, ќе ги исчисти сите депонии на територијата на Град Скопје. Сега, пред крајот на нејзиниот мандат, пожарникарите со денови се бореа со огнот на една од најголемите диви депонии - Вардариште.

Освен што како прв човек на Град Скопје се нема појавено кај опожарените депонии, Арсовска ја нема ниту со било каков став во јавноста, било преку службите од Градот или преку нејзините лични профили на социјалните мрежи.

Александар Тодески

Подоцна, Арсовска одговори зошто ја немало кај опожарените локации во Скопје. Нејзините одговори прочитајте ги тука: Aрсовска за Фактор: Трубарево не е под надлежност на Градот, а Вардариште ја исчистивме, остана делот под надлежност на Гази Баба