Како им успеа на Пехчево и Валандово да немаат ниту еден активен случај на коронавирус?
Објавено во: Македонија, Корона Вирус 05 Август, 2020
Пехчево и Валандово се два македонски града кои немаат ниту еден активен случај на коронавирус.
И двете се мали општини со по неколку илјади жители.
Од Здравствениот дом во Валандово велат дека населението било дисциплинирано, се носат маски, а големо движење нема од општина од општина. Оние кои биле заразени и се излечиле, со вирусот се инфицирале во Скопје.
„Во продавници, во институции се носат маски, граѓаните ги почитуваат мерките, а оние кои беа повратници од Германија, Италија се придржуваа до мерките за изолација. Имавме неколку случаи, но сега активни случаи нема во Валандово“, додаваат од Здравствениот дом во градот.
Сузана Каракашова, епидемиолог од Пехчево вели дека имаат добра соработка со граѓаните, матичните лекари, и со полицијата која ги контролира луѓето во изолација, и тоа засега вродило со плод, а за понатаму не се знае каква ќе биде состојбата. Таа вели дека оние 6 случаи на заразени кои ги имале, се работело за лица кои имале контакти во главниот град, и на тој начин се пренел вирусот.
„Вирусот во сите тие случаи ни беше импротиран. Овде луѓето се придржуваат до мерките, до она што ќе им го кажеме. Ние сме авторитет, јас личнo работам 25 години и верувам дека луѓето ги слушаат моите совети. Бројот на жители е мал, а младите се придржуваат до мерките исто како и секаде низ Македонија. Ќе видиме како ќе биде состојбата понатаму, но сега засега немаме активни случаи во општината“, додава таа.
Мал број на заразени има и во Берово и Македонска Каменица.
Во Македонија вирусот однесе повеќе од 500 животи. Иако повеќето починати се повозрасни луѓе, сепак имаше и млади под 30 години кои не се изборија со вирусот.
Голем број активни случаи има во Скопје, Куманово, Штип, Свети Николе.
Секој ден Македонија има двоцифрен или троцифрен број на заразени со коронавирусот.
Досега коронавирусот е дијагностициран кај повеќе од 11.000 граѓани.
Во Македонија досега се направени над 105,000 тестови.
Сања АтанасовскаМожеби ќе ве интересира
„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби
СЛАВЧО ПОПОСКИ ВЕЛИ ВИКЕНДОВ МОЖЕ ДА СЕ ПРАВИ СКАРА: Температурите ќе растат, во недела до 27 степени
„СОНЦЕТО ИЗГРЕА И Е УБАВ ДЕН ЗА ТУЖЕЊЕ“: Адвокатот Јанаки ќе го тужи Горан Костовски од Левица
ПОЧИНА ЕДЕН ОД ОМИЛЕНИТЕ ПРОФЕСОРИ НА МАКЕДОНСКИТЕ АКТЕРИ ШТО СТУДИРАЛЕ ВО СОФИЈА, АЛЕКСАНДАР ИЛИЕВ: „За сите кои бевме дојдени од странство се грижеше како за свои деца“
„ЗА РАЗЛИКА ОД МЕНЕ, ТИЕ ПРЕД ОЧИТЕ НА ЦЕЛА МАКЕДОНСКА ЈАВНОСТ ИЗЛЕГОА ВО АЛКОХОЛИЗИРАНА СОСТОЈБА“:Јакимовски му возврати на Муцунски за малиот број гласови на Стевчо
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
АНДРЕЈ ПЕТРОВ:Признаваме дека ВМРО ДПМНЕ направи подобар резултат
ОСМАНИ ПОБЕДИ ВО БЕРЛИН И МИНХЕН, ПЕНДАРОВСКИ ВО ВАШИНГТОН, А ТЕСНА БИТКА СЕ ВОДЕЛА МЕЃУ СИЛЈАНОВСКА И ВАНКОВСКА ВО ЉУБЉАНА: Како гласаше македонската дијаспора?
КАКВО ВРЕМЕ ЌЕ ИМАМЕ ВО МАЈ, ЈУНИ И ЈУЛИ?: Очекуваме за степен до два повисоки температури од вообичаените, но ќе растат условите и за временски непогоди
