КАКО СЕ ПОЈАВИ КОРОНАВИРУСОТ ВО КИНА - САД бараат истрагата да биде јасна и темелна
Објавено во: Свет 28 Јануари, 2021
Меѓународната истрага за потеклото на коронавирусот во Кина мора да биде „јасна и темелна“, изјави портпаролката на Белата куќа, Џен Псаки.
„Неопходно е да се дојде до суштината на прашањето за појавата на пандемијата на коронавирусот во Кина“, рече портпаролката пред почетокот на теренската истрага од страна на експертите на Светската здравствена организација.
Тим од десет меѓународни научници на СЗО пристигна во кинескиот град Вухан во средината на јануари.
По периодот на карантин, научниците ќе започнат истрага за потеклото на вирусот, кој првпат се појави во Вухан.