Како Вајгл ја коментира изјавата на Дачиќ за Македонија?
Објавено во: Македонија 10 Јануари, 2017
Односите на Србија со соседите, со Босна и Херцеговина, со Хрватска, Косово и Македонија тешко можат да се опишат како прифатливи.
Ова е ставот на словенечкиот европратеник и известувач за Македонија, Иво Вајгл.
Тој ја потенцираше изјавата на српскиот министер за надворешни работи, Ивица Дачиќ за признавањето на Македонија под уставното име од страна на Србија и порача дека ваквото однесување на Србија мора да биде запрено.
„Србија имаше конфликт и со Македонија, во однос на она што вицепремиерот Дачиќ го кажа за признавањето на Македонија под нејзиното историско име. Овие изјави навистина не се добредојдени. Ваквиот дискурс, ваквата реторика имаше големо ехо во регионот“- изјави Вајгл.
Во интервју за агенцијата БЕТА, Дачиќ изјави дека Србија погрешила што ја признала Македонија под нејзиното уставно име затоа што Македонија го призна Косово и го поддржува неговото членство во УНЕСКО. Дачиќ вели дека Белград во билатералните односи со Скопје и понатаму ќе го користи уставното име на Македонија, но дека мултилатерално ќе го користи името кое се употребува во ЕУ и Обединети нации – Поранешна југословенска Република Македонија.
На ова реагираа од македонското МНР од каде порачаа дека политичарите треба да ги продлабочуваат историските односи меѓу Македонија и Србија или барем да преземат одговорност да не го рушат пријателството кое постои меѓу двете земји и двата народа. Додаваат дека ова треба да важи и во услови кога е очигледно дека се загрева атмосферата за следното гласање за влез на Косово во УНЕСКО.
Дачиќ потоа изјави дека се согласува дека не треба да се руши пријателството помеѓу Србија и Македонија и дека тој лично многу придонел за развој на тие пријателски односи, но дека гласањето против српските национални интереси, го руши тоа пријателство.
Ставовите на Дачиќ наидоа на одобрување во соседна Грција.Во Србија аналитичарите коментираа дека Дачиќ на Македонија и се заканува со празна пушка.
Можеби ќе ве интересира
„МИЦКОСКИ ИМАШЕ СРЕДБИ СО ЛУЃЕ СО БИТНО ВЛИЈАНИЕ ЗА МАКЕДОНСКИТЕ ИНТЕРЕСИ ПОВЕЌЕ ОД СИТЕ ВЛАДИ НА СДСМ“: „А Таче не се брои, пошто е битен ко семафор на пешачки во Чаир“ - Латас распали
САРАЕВО Е ПРВО: Скопје е 11-ти најзагаден град во светот
„ЕУРОЊУЗ“: Македонија има најзагаден воздух во Европа - кои држави се во иста група?
ИЗМАМЕН ТЕТОВЧАНЕЦ: Му ветиле 17.000 долари, а останал без пари
ПОЧИНА ДОАЈЕНОТ НА МАКЕДОНСКОТО СПИКЕРСТВО, СНЕЖАНА ЛИПКОВСКА: Прерпознатлива во цела бивша Југославија по зелените очи и моќниот глас
ИМА ВЕРБА ДЕКА МВР ЌЕ ГИ ОТКРИЕ СТОРИТЕЛИТЕ - сопственичката на бутикот што изгоре во Карпош се заблагодарува за поддршката
ЛЕКОВИ, ИНСУЛИНСКИ ИГЛИ, КЛУЧЕВИ ЗА АВТОМОБИЛИ, ОБЛЕКА - цариниците со „полни раце работа“, еве што се заплениле
Села: Зошто Мицкоски и функционерите од „Вреди“ не ги покажат поканите од инаугурацијата?
СЕ БОРИМЕ СО БРИСЕЛ, БЕРЛИН, ПАРИЗ, ЛОНДОН...НАШИОТ ГЛАС Е СЀ ПОСИЛЕН: Мицкоски уште еднаш се огласи од САД, се сретна со близок соработник на Трамп
