Камерон: Развиените земји мора да преземат мерки за спас на светската економија

„Јасно е дека во 2013 година светската економија ќе се соочи со несигурност, амбициозните критериуми и решителните мерки коишто ние ќе ги поставиме како челници на осумте земји коишто го сочинуваат речиси половината од светскиот БДП може да значат конкретна разлика која што ќе ја поттикне економијата", наведе Камерон чијашто земја во 2013 година претседава до групата Г8,  во писмото упатено до лидерите на Канада, Германија, САД, Франција, Италија, Јапонија и Русија. Тој изрази надеж дека самитот на Г8 кој треба да се одржи на 17-ти и 18-ти јуни во Северна Ирска, ќе претставува можност за приближување кон таа цел, за што според него ќе треба цврста волја и повеќемесечни ангажмани. Инаку самитот треба да биде посветен на дискусија за три теми: за борбата против протекционизмот, борбата против избегнувањето на оданочување и промоција на транспарентноста во дејствувањето на компаниите и националните економии. Како што најави Камерон, како еден од приоритетите исто така е воспоставувањето на договорот за слободна трговија меѓу Европа и САД.