КАМПОТ ЗА ДЕЛ ОД ДЕЦАТА БИЛ МОЖЕБИ ЗАБАВА, НО ЗА НЕКОИ ГОЛЕМА ТРАУМА: Насилно и нестручно е влезено во интимната сфера на тинејџерите, психотерапевтот Карбевска за Фактор

Добивај вести на Viber

Македонската јавност неколку дена по ред не се смирува по скандалот со организирање на кампот во Зелениково од страна на Првиот скопски извиднички одред, на тема „Есенски бакнежи и прегратки, секс скаутс и рок енд рол“. Сведоштвата на родителите и децата се запрепастувачки, а дел од коментарите на јавноста која е згрозена од ваквите случувања, се дека кампот наменет за сексуална едукација на младите преминал во перверзија и педофилија, особено што возрасни луѓе делеле награди за најдобри гради на девојчиња од 16 години, а биле приморувани и на глумење на скес сцени пред манастир. Според стручни лица пак, ваквите настани, кај младата популација доведуваат до вистинска траума. Во разговор за Фактор, Светлана Карбевска, психијатар-психотерапевт, посочува дека кампот за некому претставувал обичен стрес, за некому забава, додека за кај некои од тинејџерите е големо трауматско искуство, заради што треба да се работи понатаму со тие деца.

-Психосексуалниот развој е суптилна проблематика која што на суптилен начин треба да се доближи до младите и навистина треба да биде спроведена од страна на стручни лица. Во конкретниот случај, работата е целосно излезена од контрола. Не сите деца се спремни, толку отворено и на таков насилен начин да бидат приморувани на одредени активности, без разлика што станува збор за симулација. Според тоа што досега е кажано во јавноста, активностите кои таму биле спроведувани не соодветсвуваат на возраста, ниту пак децата ги добивале од компететни луѓе. Заради што и очекувано е да испливаат реакциите од страна на децата. Во овој случај, децата кои отворено проговирија за ова, се почувствувале загрозено, па изреагирале инстиктивно, поради што насилно е влезено во нивната интимна сфера, без согласност и без спремност на децата за да длабоко се навлезе во тој интимен простор. Затоа велам дека станува збор за нестручно влегување во интимната зона на една ранлива категорија деца. Кампот можеби за некому бил забава, за некои од децата е стрес, но за некои пак, претставува вистинска траума. Треба понатаму стручни лица, односно психолози, психијатри, психотерапевти да работат со тие деца, за да го надминат тоа непријатно искуство, вели Карбевска.

Истовремено, и Првата детска амбасада Меѓаши бара брза истрага за целиот случај. Во телефонски разговор за Фактор, Драги Змијанац посочи дека е исклучително важно да се утврди дали програмата била детално наведена претходно, пред децата да заминат на кампот, па нивните родители и тие самите имале претстава што ќе се случува таму, или пак целиот настан е излезен од контрола.

-Голем дел од нас сме биле во извидници и знаеме како изгледаат тие кампови. Главно беше, извидникот да знае да се ориентира во време и во простор, да се најде начин да се преживее во непристапните диви предели, учевме како брзо да се постави шатор. Но, ова што сега се случило викендов е навистина загрижувачки. Тоа што треба институциите да утврдат е дали активностите биле токму така претходно планирани и за тоа постои детална програма која ја знаеле и децата и нивните родители или пак целиот настан излегол од контрола, посочува Змијанац, нагласувајќи дека ако е така, ќе мора да се бара одговорност.

А, организаторите синоќа дури излегоа само со соопштение во кое посочуваат дека игрите на камптот биле погрешно протолкувани.

–Настанот е наменет за категоријата постари извидници (постари малолетници над 16 години). На овој настан учестуваа 32 учесници доборволно пријавени во екипи по 4 лица преку своите матични одреди и 10 волонтери од ПСИО. Акцијата се креира од млади за млади и се одржуваше во безбеден простор, во забавна и младинска атмосфера, и секој учесник имаше можност да пријави доколку се почувствува непријатно. Настанот не претставува никаква манифестација на неморал, блуд или сексуално вознемирување. Сметаме дека многу делови од игрите се погрешно протолкувани, наведуваат од Првиот скопски извиднички одред во соопштението.

Овој случај веќе го истражува и Јавното обвинителство кое побарло од полицијата да ги повика на разговор организаторите на настанот.