Канал 5 со информации од што би можело да почине 28-годишната родилка

Добивај вести на Viber

Комисијата од Министерството за здравство ќе ги истражува причините за смртта на 28 годишната родилка во Штип. Обудкцијата заврши, а според првичните наоди, причината е искрвавување, објави Канал 5.

Направена е обдукција врз починатата 28 родилка од Штип. Се уште се чекаат документите од направените анализи.  

„Се било направено навреме и ги чекаме резултатите, за да ја знаеме точната причина. Во болницата ги има сите услови и за операција“. вели за Канал 5 директорот штипската болница Ален Ѓеорѓијев за Канал 5 вели:

Според извори на Канал 5,  28 годишната штипјанка била примена во средата 21 часот, породена природно и родила здраво машко дете. Жената немала здравствени проблеми, ова и била прва бременост. Според извори на Канал 5, жената имала атонија или состојба кога матката по породувањето не се стега и не може да се сопре крварењето, за потоа да и ја остранат матката. И по оваа интервенција жената починала околу седум часот на 14 јуни. 

Министерот Венко Филипче објасни дека ќе се состави и комисија за овој случај и дека ги чекаат наодите од обдукција. Ваква состојба најчесто се јавува кај трето-ротки или жени кои имале царски рез. Како една од причините се наведува и заборавено парче од постелката, доколку не се изреагира брзо кога почнало крварњето, може да заврши фатално, објаснуваат гинеколози за Канал 5. Пред месец и пол министерот за здравство посочи дека во сите родилишта во Македонија е направена анализа и дека со обука на персоналот со цел да се намали смртността и кај новороденчињата и кај родилките. 

Засега не е потврдена ниту причината за смртта на новорденчето во болницата во Штип пред три дена.